lajme ju ofron Arditi

LAPORTA: ETO DO SHËNOJ, MIRËPO BARSA DO LUAJ NË FINALE

2010-04-27T23:19:00.000+02:00

Presidenti i skuadrës kampione të Botës dhe Evropës, Barcelonës – Huan Laporta shprehu optimizëm para ndeshjes së mërkurës kundër Interit në kuadër të gjysmëfinales së Ligës së Kampionëve. Sipas tij, Barcelona do të arrijë të shënoj ndaj italianëve edhe përkundër faktit që ata në “Kamp Nou” udhëtojnë me dy gola epërsi. “Mendoj se ish futbollisti ynë, Samuel Eto do shënoj, megjithatë jam i sigurt se Barsa do eliminoj Interin dhe se në fund të përzgjedhurit e trajnerit Pep Guardiola do luajnë në finalen e madhe në Madrid” – tha Laporta për mediat iberike.

IBRA: MURINJO NUK MË SHQETËSON, DO DALIM NË FUSHË DHE DO E FITOJMË INTERIN

2010-04-27T23:18:00.000+02:00

Sulmuesi suedez i Barcelonës, Zlatan Ibrahimovic, është tejet i bindur se skuadra e Barcelonës do të eliminoj Interin dhe se do të kualifikohet për në finalen e madhe të 22 majit që do të zhvillohet në stadiumin e rivalit të përjetshëm, Realit të Madridit – “Santiago Bernabeu”. Interi për në “Kamp Nou” niset me një epërsi prej dy golave, mirëpo ish-sulmuesi i “zi kaltërve” është i bindur se në fund ekipi që do të luaj në finalen e madhe të Madridit, do të jetë Barcelona. “Jam i sigurt se do të jemi në Madrid. I besoj vetes dhe ju besoj shokëve të skuadrës” – tha Ibrahimoviç për “El Mundo Deportivo”. “Kemi mentalitetin e duhur për tu futur dhe për ta fituar ndeshjen” – shtoi suedezi i cili në ndeshjen e parë në “Xhuzepe Meaca” kishte një paraqitje shumë të dobët. “ Ne jemi një skuadër që shënojmë shumë gola, ndërsa pikërisht ato gola do të na nevojiten që ta eliminojmë Interin dhe të arrijmë në finalen e madhe” – shtoi Ibra i cili nuk la pa thënë edhe ca fjalë lidhur me ish-trajnerin e tij te Interi, Hoze Murinjo. “Ai nuk më shqetëson fare, do dalim në fushë dhe do fitojmë. Stadiumi do të jetë i stërmbushur dhe në arritjen e këtij qëllim do të na ndihmojnë edhe tifozët” – kategorik ishte suedezi me prejardhje kroate - boshnjake

ARSHAVIN PËRSËRI I VETË OFROHET BARCELONËS

2010-04-27T23:17:00.000+02:00

Mesfushori rus i cili aktualisht mbron ngjyrat e skuadrës nga Premier Liga Angleze, Arsenal edhe një herë tjetër ka shfaqur dashurinë e tij që ka për skuadrën kampione të Evropës, Barcelonën.
Andrei Arshavin më shumë se çdo kush dëshiron të luaj për Barcelonën dhe shpreson se një ditë kjo ëndërr do bëhet realitet. Para se të kalonte në Arsenal, emri i tij ishte i lidhur me një kalim te gjiganti spanjoll, megjithatë një marrëveshje mes tij dhe skuadrës nga “Kamp Nou” nuk u arrit dhe në fund Arshavin përfundoi në kampionatin anglez.
“Madje vetëm një sezon të luaja te Barsa, ai do të ishte kulmi i karrierës time. Barca është ekipi më i mirë në botë dhe shumë më pëlqen stili i tyre i lojës. Ata për momentin janë më të mirët” – i sigurt është në deklaratën e tij rusi, Arshavin.
Arshavin gjithashtu nuk fshehi simpatitë që ka ndaj trajnerit të Interit, Hoze Murinjo: “Ai është një gjeni. Mendoj se tre trajnerët më të mirë në botë janë Kapello, Murinjo dhe Hidink” – shtoi futbollisti i kombëtares ruse

Gorosito : "Shkojmë me rrespektin më të madh , por me

2010-04-23T10:56:00.000+02:00

Nestor Gorosito tha se të shtunën do ta vizitoj Camp Nou "me rrespet ,
por pa frikë" , duhet të jemi të matur me Barcelonën kreun aktual të La
Ligës.Argjentinasi është i vetëdijshëm për potencialin për Barçan , por
nuk heq dorë që të ndeshem kundër PEP Guardiolës.Ne do të përpiqemi të
fitojmë ndeshjen , sepse ideja jonë është që të luajmë sa më larg nga
zona jonë.Gorosito , Barcelonën nuk e konsideron si të pamposhtur.Ju
duhet ti jepni lojtarëve për të mundësuar të luajnë dhe të fitojnë.Ne
duhet të fitojmë , sepse kemi nevojë për atë dhe po në këtë fushë.Ne
duhet të përpiqemi të luajmë lojën tonë dhe nuk duhet të mendojmë për
lojën e tyre.

Sigurisht ,trajneri i tregon bashkëlojtarëve të tij për Messin , por jo
vetëm referencën e Barcelonës në këtë moment."Nuk luan vetëm Messi".Ata
kanë lojtarë të mëdhej.Ajo do të jetë fitore e madhe nëse fitojmë
atje.Gjërat ndodhin në futboll.Ne jemi të sigurt që do të bëjmë një
ndeshje të mirë , atëherë të shenojmë nëse mund ta bëjm në fakt.Trajneri
i Xerezit shpreson të thyejë mosmarëveshjen dhe të bëjë diçka pozitive
të hakmarrjes ndaj Barcelonës.Eshtë një sfidë në përpjekje për të fituar
, por më e rëndësishme është që përpiqen për ti ruajtur lojtarët e
ekipit.Ne kemi për të luajtur mirë dhe ka një identitet.Ne duhet të
vazhdojmë të rritemi dhe të përmirësohemi : përfundoi Gorosito.

Valdes: Nuk na intereson Mourinho

2010-04-23T10:55:00.000+02:00

Portieri i Barcës, Victor Valdes, ka thënë se skuadra e tij do të bëjë gjithçka për të rikthyer dizavantazhin prej 3-1 nga ndeshja e parë ndaj Interit, duke shtuar se ekipit blaugran nuk i interesojnë fjalët e Jose Mourinhos.
Mourinho i kritikoi disa lojtarë të Barcelonës duke thënë se ata nuk dinë se si të pranojnë humbjen.
“Neve nuk na intereson Mourinho. Neve na intereson vetëm finalja. Ne nuk duam t’ia mbyllim dikujt gojën”.
“Nuk do të jetë lehtë të kualifikohemi, por ne besojmë se mund të krijojmë një natë tjetër magjike në Camp Nou”, ka thënë Valdes për Il Corriere dello Sport.

BarceLona , në 17 ndeshje nuk ka pësuar gol....!!

2010-04-23T10:52:00.000+02:00

Skudra e Barcelonës para se gjithash,mund të mburret shumë edhe me anën defansive të skuadrës.Me barazimin e pastër 0-0 ndaj Espanyolit të Shtunën,Barca ka arritur në 17 ndeshje këtë sezon në La Liga pa pësuar gol.
Nga plotë 33 ndeshje në La Liga sa janë luajtur këtë sezon,Barca vetëm në 16 ndeshje ka pësuar gol,ku në total janë vetëm 19 gola të pësuar.Kjo është një shenjë shumë e mirë në anën defansive të mbrojtjës katalane,ku si sezonin e kaluar duket se do të jetë mbrojtja më e mirë,së paku në La Liga.
Fakti tjetër është se me mesatarën 0.57 gola për ndeshje,Valdesi ka shumë gjasa që edhe këtë vit ta fitojë trofeun “Zamora” që i jepet portierit me më së paku gola të pësuar gjatë një sezoni në La Liga.

Tifozet azulgran’ nxehin ndeshjen Barca – Inter

2010-04-23T10:47:00.001+02:00

Baza e fansave te Fc Barcelones kane leshuar nje imell, per te cilen
thirren te gjith tifozat blaugran t’i japin zemer dhe kurajo Barcelones
ne ndeshjen me Interin.
Letra osht kjo:
Të dashur antar social dhe tifoz ‘azulgran’. Ne kemi shijuar për
një vit e gjysëm një spektakël që askush përpara nuk e ka shijuar, kur
është puna për në fushën e futbollit. Ne kemi jetuar një pasuri të
tepërt, falë një ekipi që na ka dhënë neve muajt më të mirë të jetës
sonë dhe që na ka bërë të ndjehemi krenar për ngjyrat të cilat i mbajm
në zemrat tona.
Ekipa është e lodhur dhe nganjëherë duket sikur të jetë në
pushim, por nuk është as i dërrmuar, e aq më pak i mundur. Ky ekip ka
ende për të thënë fjalën e fundit. Mos dyshoni në ta.
Tani është rradha jonë. Është rradha e tifozve, për të treguar
vlerësimin tonë për atë qe kemi jetuar, duke bërë Camp Nou një ferr për
Interin më 28 prill.
Ata që shkojn në stadium, duhet të shkojn tre orë perpara, të
veshur në ngjyrat e Barçës dhe të bëjnë atmosferë. Përveq kësaj,ata që
nuk mund të shkojn, mund gjithashtu të bashkpunojn duke i rregulluar
ballkonet e tyre, dritaret, apo qfardo që mund të bëjnë.
Barcelona dhe e gjith Katalunia duhet të vishet në ngjyrat
‘azulgran’! Ne ja kemi borxh këtë klubit, ekipës, stafit teknik, dhe Pep
Guardiolës! Tani ata kanë nevoj për ne! Ne do t’ia dalim! Shihemi në
Madrid!!!

Guardiola: Ne luajmë ndryshe

2010-04-20T11:43:00.000+02:00

Trajneri i Barcelonës, Pep Guardiola, e ka lëvduar strategun e Interit, Jose Mourinho, duke e quajtur si trajnerin më të mirë në botë, para ndeshjes së parë gjysmëfinale të të martës mbrëma në Giuseppe Meazza.
“Ne do të përballemi me një Inter të mrekullueshëm, trajneri i të cilit është padyshim më i miri në botë. Ai ka fituar tituj në Portugali, Angli dhe Itali. Është nder për mua të përballem me të”.
“Udhëtimi nuk ka qenë i lehtë, por asgjë nuk ndodhi. Shumë njerëz nuk kanë mundur të udhëtojnë. Unë do të preferoja që të udhëtoja 14 orë me autobus për të luajtur një ndeshje të Ligës së Kampionëve se sa t’i shikoja gjysmëfinalet në televizion. Kjo nuk është ajo që deshëm por shumë ekipe nga divizioni i dytë dhe i tretë e kanë bërë të njëjtën gjë”.
"Po flitet për një befasi nga ana taktike e Jose Mourinhos. Guardiola e din rrezikun por shprehet të jetë i papërgatitur.
“Ne luajmë ndryshe. Ne kemi tre sulmues dhe një mesfushor kreativ, të cilët nuk i shihni shpesh. Është vështirë të përgatitesh për një ndeshje të tillë sepse kam të bëj me një trajner që është shumë i mençur. Megjithatë, nesër nuk do të vendoset asgjë”, deklaroi Guardiola në një konferencë për shtyp

Inter – Barca, befasia e Mourinhos

2010-04-20T11:42:00.000+02:00

Jose Mourinho duket se ka vendosur të aplikojë një taktikë krejtësisht ndryshe te skuadra e tij, për të prishur planet e Barcelonës dhe për të ndalur Lionel Messin.
Me gjithë këto fjalë kohëve të fundit se si do ta ndalë Mourinho, Lionel Messin, Goal.com ka mësuar se Mourinho do ta lirojë Maiconin nga përgjegjësitë defensive për ta vënë atë në mesfushën ofensive . Vendin e tij në krahun e djathtë pritet ta zë Javier Zanetti, që do të mbajë përgjegjësi të plotë për të ndalur Lionel Messin e pandalshëm.
"Por, pse do të zhvendoset Maicon? Mourinho ka vendosur ta përdorë këtë taktike duke parë dobësinë e krahut të majtë të Barcelonës, ku do të luajë ose Maxwell ose Abidal. Goran Pandev definitivisht nuk do të luajë për shkak të formës së dobët dhe në pozitën e tij do të zhvendoset Sneijder, pra, besoni ose jo në sulm.
"Mourinho i ka luajtur me kujdes letrat e tij pasi që ka paralajmëruar një ose dy befasi për Guardiolën, ashtu siç bëri ndaj Chelseat, kur në Stamford Bridge aplikoi taktikë totalisht ofensive.
"Gjithashtu bëhet e ditur se Jose Mourinho pritet të heqë dorë nga formacioni ultra sulmues duke aplikuar një formacion më pragmatik prej 4-1-4-1 ose 4-2-3-1, që do të përbëhej nga: Julio Cesar; Cordoba, Lucio, Samuel, Zanetti, Thiago Motta, Cambiasso, Maicon, Sneijder, Eto’o, Milito

Mourinho: Barca të ketë kujdes

2010-04-20T11:41:00.002+02:00

Trajneri i Interit, Jose Mourinho, ka kërcënuar Barcelonën me eliminim nga Liga e Kampionëve, pasi që, sipas ‘të veçantit’, skuadra e tij është më e përgatitur se në nëntor.
“Barcelona tregoi superioritet në ato dy ndeshje dhe fitoi me meritë, kurse ne nuk patëm aftësi për t’iu përgjigjur dominimit të tyre. Ajo ishte në nëntor. Tani ata janë të mirë, ashtu si në nëntor, por ne jemi më të fortë se në nëntor. Unë pranoj se njerëzit thonë që ata janë favoritët, por unë mendoj se është një ndeshje 50-50”.
“Nuk mendoj se fituesi duelit Barca-Inter është fitues i titullit. Kjo është një gjysmëfinale dhe më pas duhet të luani në finalen e Madridit. Lyoni dhe Bayerni kanë përqindjen e njëjtë si Interi, ashtu si edhe Barcelona për ta fituar titullin”.
“Messi? Sipas meje futbolli nuk luhet me një lojtar dhe kjo sfidë nuk është një kundër një, por dhjetë kundër dhjetë, por është e natyrshme se ai meriton kujdes të veçantë”, deklaroi në konferencë për shtyp Mourinho.

Begiristain: Lodhja nuk do ndikojë ndaj Interit

2010-04-20T11:41:00.001+02:00

Sekretari teknik i Barcelonës, Txiki Begiristain, ka refuzuar të pranojë se skuadra e Barcelonës është e lodhur pas udhëtimit të gjatë rreth e përqark Evropës dhe se kjo do të mund të përbënte përparësi për Interin.
“Ata ndoshta kanë pasur më shumë kohë për t’u përgatitur për Ligën e Kampionëve, pasi që iu shmangën ndeshjeve të kampionatit. Në këto kohëra, të obligosh ekipin të udhëtojë nëpër Evropë është një tregim i së kaluarës. Sidoqoftë, lodhja nuk është në fjalorin tonë dhe ne do të kthehemi me rezultat pozitiv”, ka thënë Begiristain.
"Në ndërkohë, ekipi i Barcelonës ka arritur tashmë në Milano ku është duke bërë dhe përgatitjet e fundit para super-duelit të të martës mbrëma

Laporta takohet me Fabregasin?

2010-04-20T11:40:00.000+02:00

Sipas Sport, presidenti i Barcelonës, Joan Laporta, është takuar me Cesc Fabregasin për të biseduar rreth një transferimi të mundshëm në Camp Nou.
Laporta është në një vizitë humanitare në Marok, vend në të cilin është duke pushuar edhe Fabregas për t’u rikuperuar nga lëndimi i pësuar.
"Sport pohon se Laporta është takuar me Fabregasin për të diskutuar mbi detajet e rikthimit të tij në vendlindje.
"Barcelona e ka lënë çështjen Fabregas ‘ende të hapur’, në kohën kur spekulimet janë duke u rritur

LK: NDESHJET NUK ANULOHEN

2010-04-19T15:34:00.000+02:00

Ndeshjet gjysmëfinale do të zhvillohen në orarin e caktuar

Dy ndeshjet gjysmëfinale në kuadër të Ligës së Kampionëve, Inter – Barcelona ndeshje kjo që në program është të martën si dhe Bajern Munih- Lion që në program është të mërkurën do të zhvillohen në orarin e caktuar. Ky vendim u soll nga komisioni për gara pranë UEFA-së. Edhe krahas paralajmërimeve se këto ndeshje mund të anulohen për shkak problemeve me vijën ajrore megjithatë një gjë e tillë nuk ndodhi. Për këtë arsye, futbollistët e Barcelonës tanimë janë në Milano ku udhëtuan me autobus ndërsa të njëjtën gjë pritet që sot ta bëjë edhe skuadra e Lionit e cila si mysafir do të përballet me Bajernin e Munihut. Sa u përket ndeshjeve gjysmëfinale në kuadër të Ligës së Evropës, se a do të zhvillohen ato apo jo, vendimi pritet të merret të martën.

RONALDO NDËRRON MENDJE: MESSI ËSHTË MË I MIRË

2010-04-19T15:33:00.000+02:00

Ronaldo pranon se Messi është më i miri

Në pyetjen se a është Messi futbollisti më i mirë në botë, Kristiano Ronaldo më në fund ka dhënë përgjigje afirmative, ndonëse jo me qejf.
“Messi ndoshta është më i miri sepse Barcelona është skuadër fantastike. Messi ka luajtur në mënyrë fantastike sezonin e kaluar dhe këtë po e bën edhe këtë sezon. Është lojtar i mrekullueshëm, por unë mendoj se ai gëzon ndihmën e tërë ekipit. Gjithnjë është më e lehtë kur në ekip ke lojtarë të shkëlqyeshëm”, tha portugezi, Kristiano.
Për rënien e ekipit të tij nga Liga e Kampionëve dhe për rivalin më të madh në Spanjë Barcelonën ai ka pranuar se ekipi “katalunas” është më i mirë.
“Duhet pranuar se Barcelona është momentalisht më e fortë se ne, gjë që e ka dëshmuar duke na mposhtur dy herë. Mirëpo, besoj se Reali me kohë do të jetë gjithnjë e më i fortë, do të ndjehet kjo në ndeshjet, muajt dhe vitet e ardhshme.

BARCA ME AUTOBUS NË MILANO

2010-04-19T15:32:00.000+02:00

Mesi dhe Pike i pret një rrugë e gjatë me autobus

Të martën në “San Siro” duhet të zhvillohet gjysmëfinalja e parë në kuadër të Ligës së Kampionëve në mes të Interit dhe Barcelonës, mirëpo a do të zhvillohet ndeshja apo jo, ende nuk dihet. Problem kryesor për moszhvillimin eventual të ndeshjes është mjegulla nga erupsioni i vullkanit në Islandë që paralizoi tërë hapësirën ajrore në Evropë. Në rast se nuk hapen aeroportet evropiane deri sonte në mbrëmje, skuadra e Barcelonës planifikon që drejt Milanos të niset me autobus. Udhëtimi i katalanasve është i gjatë 980 km dhe pritet të zgjatë rreth 10 orë.
Kreu i UEFA-së të hënën pritet të marrë vendimin se a do të zhvillohen ndeshjet e Ligës së Kampionëve dhe Ligës së Evropës këtë javë apo ato do të anulohen.

Moratti: Jemi të gatshëm për Barcelonën

2010-04-19T15:30:00.000+02:00

Presidenti i Interit, Massimo Moratti, thotë se nerazurët janë të gatshëm për ndeshjen me Barcelonën dhe beson se Mourinho do të gatuajë paraqitje të mira kundër kampionit të Evropës.
“Ne jemi të gatshëm. Jemi në formë të mirë dhe besoj se do të jetë një ndeshje e mirë përballë një ekipi të fuqishëm. Por edhe ne jemi një ekip i fuqishëm”, ka thënë Moratti.
“A pres befasi taktike nga Mourinho? Nuk e di, por nuk dua t’i imponoj asgjë atij në këtë periudhë kur e di se është shumë i përqendruar. E njoh shumë mirë për të ditur se ai do të përgatitë paraqitje të mira”, ka shtuar presidenti i Interit

Pochettino dhe Guardiola të kënaqur pas derbit katalunas

2010-04-18T13:53:00.000+02:00

Pas barazimit pa gola mes Espanyolit dhe Barcelonës në derbin lokal, të dy trajnerët e skuadrave respektive kanë reflektuar në pikën e marrë në këtë takim.
“Ekipi ishte shumë i fortë dhe sot (e diel) do të jemi përsëri liderë. Është kënaqësi të jesh në krye të lojtarëve me këtë shpirt. Ne meritojmë çdo lëvdatë për pozitën ku jemi tani”, tha Guardiola.
"Pochettino nga ana tjetër ishte shumë i kënaqur duke thënë se skuadra e tij nxori një pikë nga skuadra më e fortë në botë.
“Kundërshtar e kemi pasur ekipin më të fortë në botë. Ishte një vuajtje titanike dhe një presion enorm. Ekipi ynë meriton komplimente. Nuk më kujtohet hera e fundit kur Barcelona ka pasur aq pak goditje në portë”, përfundoi Pochettino

Begiristain: Valdes portieri më i mirë spanjoll

2010-04-18T13:52:00.000+02:00

Sekretari teknik i Barcelonës, Txiki Begiristain, beson se pasi e shikoi derbin katalunas dhe Victor Valdesin në top formë, ky i fundit sipas tij jo vetëm që meriton të luajë në Botëror por dhe të jetë në formacionin startues.
Barcelona mezi arriti një barazim pa gola, pasi që luajti me dhjetë lojtarë dhe tre intervenimet e Valdesit ishin vendimtare që Barcelona të mos pësojë.
“Unë nuk mendoj që ai meriton vetëm të shkojë në Botëror, por ai mund të luajë si portier i parë. Ai po kalon një sezon fantastik, me një formë të jashtëzakonshme”, tha Begiristain.
"Ndeshja e radhës e Barcelonës është ndaj Interit të martën në Giuseppe Meazza, në duelin që konsiderohet si përplasja e gjigantëve të Ligës së Kampionëve.

LA LIGA - BARCELONA RREZIKON TITULLIN

2010-04-18T13:49:00.001+02:00

Moment nga ndeshja Espanyol - Barcelona

Espanyol ka arritur ta frenojë me barazim pa gola kampionin në fuqi të La Ligës, Barcelonën, duke e bërë më të hapur garën për titull.
"Derbi lokal i zhvilluar në stadiumin Cornella El Prat u fokusua kryesisht në mesfushë dhe solli pak raste nga të dyja anët. Vendasit arritën të bllokonin në mënyrën më të mirë Lionel Messin dhe të frenojnë ekipin energjik të Bacelonës, madje edhe krijuan disa raste të mira që mund t’i jepnin fitoren Espanyolit.

"Barcelona luajti me një lojtar më pak që nga minuta e 62-të, pasi Daniel Alves u përjashtua nga loja për shkak të kartonit të dytë të verdhë. Në mënyrë ironike me largimin e brazilianit blaugranët filluan të gjejnë ritmin e pasimeve, por nuk arritën të gjejnë edhe portën kundërshtare.

"Real Madridi mund të ngushtojë në një epërsinë që tash është katër pikë, nëse shënon fitore ndaj Valencias në Bernabeu mbrëmjen e nesërme

INTER-BARÇA, "NË RREZIK?

2010-04-18T13:48:00.001+02:00

Si të arihet në Milano?

Skuadra e Barcelonës të martën në Milano, duhet të zhvillojë ndeshjen e parë të gjysmëfinales së Ligës së kampionëve evropian me Interit. Kjo ndeshje është vënë në rrezik.
Që në mëngjesin e sotëm aeropotet në veri të Italisë, në mesin e të cilëve edhe ai në Milano, janë mbyllur për shkak të hirit icili disa ditë po qëndron në ajër dhe po udhëton në për kontinentin e vjetër. Kështu sipas mediave spanjolle për shkak të këtij hiri dhe mbylljes në mëshumë se 20 vende, do të kontribojë në shtyrjen e ndeshjes së parë gjysmëfinale të Ligës së kampionëve mes Interit dhe Barcelonës.
Skuadra e Barcelonës për në Milano duhet të udhëtojë të hënën në mëngjes dhe pritet që deri atëher rretë e hirit I cili udhëton nga Islanda do të largohen dhe aeroportet në veri të italisë dhe spanjës do të jenë të hapur. Vendimi për anulimin e ndeshjes duhet të bëhet në orët në vazhdim dhe ajo do varet nga lëvizja e hyrit të vullkanit. Hapsira ajrore është mbyllur në shum vende evropiane, ndërsa trafiku ajror është paralizuar

Guardola: Nuk do ta shikoj derbin e Italisë

2010-04-16T18:11:00.000+02:00

Strategu i Barcelonës, Pep Guardiola, ka pohuar se ai nuk do ta shikojë ndeshjen ndërmjet Interit dhe Juventusit, para duelit të rëndësishëm gjysmëfinal të Ligës së Kampionëve, ku skuadra e tij do të luajë pikërisht kundër kampionit të Italisë, Inter.
“Nuk do ta shikoj derbin Inter – Juventus. Interi është favorit, sepse gjithnjë luan mirë në shtëpi. Më pas, dihet se është ndeshje klasike dhe komplikimet do të rriten. Mendoj se do të jetë një ndeshje e madhe”, ka thënë Guardiola për La Gazzeta dello Sport.
"Spekulimet tjera thonë se Guardiola do ta shikojë të regjistruar në DVD takimin Inter – Juventus, për të studiuar lojën e Interit, para duelit të të martës në San Siro

MESSI, SOT E 50 VITE MË PAS, DO TË FLITET PËR BARCELONËN

2010-04-16T18:10:00.001+02:00

Messi:besoj se dhe pas 50 vitesh do të flitet për skuadrën tonë

Futbollisti më i mirë në botë, Lionel Mesi, në një intervistë për “Daily Mail”, ka treguar disa nga karakteristikat e skuadrës “katalonase”,:
“Barcelona? Është një skuadër e qeshur. Jemi të gjithë miq. Na pëlqen të luajmë për trajnerin tonë. Është një klub që mund të hysh në histori. Sezonin e kaluar bëmë diçka speciale, treguam se sa jemi të fortë dhe bëmë diçka të pabesueshme për të gjithë, lojtarët, shoqërinë dhe tifozët. Kur fiton, e vetmja gjë është të vazhdosh dhe ta bësh të njëjtën, është ky shpirti i skuadrës sonë. Besoj se dhe pas 50 vitesh do të flitet për skuadrën tonë”.
Ylli argjentinas i Barcelonës, Lionel Mesi i bëri një thirrje publike kapitenit të Arsenalit, Cesk Fabregas. “Cesku ka Arsenalin në zemër, por Barcelonën në gjak. Nuk e di saktësisht se kur do të vijë, por unë e pres akoma si shok skuadre. Sigurisht, që midis tij dhe Vengerit ekziston një raport baba-fëmijë dhe e di që Faberegasi ka një lidhje speciale me tifozët e tij, por Barcelona është qyteti i tij dhe skuadra e tij. Pak lojtarë janë në gjendje ta përmirësojnë atë dhe një nga këta sigurisht është Cesku” – përfundoi sulmuesi i Barcelonës, i cili gatë këtij sezoni me skuadrën nga “Kamp Nou”, në të gjitha veprimtaritë ka shënuar gjithsej 40 gola.

LA LIGA: ESPANYOL -BARCELONA NË ALSAT-M

2010-04-16T18:08:00.000+02:00

Pritet të jetë një ndeshje e rëndë për Barcelonën

Pas disfatës javën e kaluar në “El Clasico” nga Barcelona, Reali i Madridit, në kuadër të javës së 32-të, si mysafir shënoi fitore ndaj Almerisë me rezultatin 1:2. Të parët që shënuan në këtë ndeshje ishin vendasit, edhe atë me anë të Krusat në minutën e 16- të ndeshjes, ndërkohë golat për “mbretërit” i shënuan Kristiano Ronaldo dhe Van der Vaart. Në ndeshjen tjetër të zhvilluar mbrëmë Valencia falë dy golave të David Silvas erdhi deri tek fitorja në përballjen me Atletik Bilbaon.
Ndërkohë këtë fundjavë në program janë ndeshjet e javës së 33-të. Barcelona si mysafir do të përballet me Espanjollin. Këtë ndeshje shikuesit tanë do të kenë mundësi ta ndjekin të shtunën me fillim në ora 20:00, njëjtë sikurse edhe ndeshjen ndërmjet Viljarealit dhe Atletiko Madridit me fillim në ora 22:00. Të dielën në program janë 6 takimet e radhës, ndërkohë në ekranin tonë me fillim në ora 19:00 vjen përballja mes Atletik Bilbaos dhe Zaragozës. Java e 33-të mbyllet të hënën me ndeshjen Majorka – Osasuna.

E shtunë:
Sevilla - Sporting G
Espanyol - Barcelona (Alsat-M, ora 20:00)
Villarreal - Atletico Madrid (Alsat-M, ora 22:00)
E diel:
Deportivo - Almeria
Malaga - Valladolid
Tenerife - Getafe
Xerez - Racing S.
Athletic B. - Zaragoza (Alsat-M, ora 19:00)
Real Madrid - Valencia
E hënë:
Mallorca - Osasuna

Pele: Messi më i mirë se unë? Le të shënojë 1.000 gola!

2010-04-16T02:11:00.000+02:00

Lartmadhëria braziliane e futbollit, Pele, ka hedhur poshtë mundësinë se Lionel Messi është futbollisti më i mirë në botë duke deklaruar se ai duhet të shënojë së pari 1.000 gola për t’u krahasuar me të.
Messi ka shënuar 40 gola në 44 ndeshjet me Barcelonën këtë sezon, ndërsa katërgolëshi i tij ndaj Arsenalit, ka çuar në pohime se ai është më i mirë se Maradona dhe Pele.
"Por, Pele ka dyshime mbi aftësinë dhe potencialin e Lionel Messit, duke besuar se nuk duhet të bëhen krahasime të tilla përpara se ai të shënojë 1.000 gola.
“Ata gjithnjë tentojnë ta krahasojnë dikë me Pelen. Unë gjithnjë bëj shaka më miqtë e mi argjentinas se ata duhet të zgjedhin lojtarin më të mirë që ka pasur ndonjëherë Argjentina. Më pas, kur njëri prej tyre të shënojë 1.000 gola, atëherë mund të fillojmë të flasim”.
“Messi është lojtar i madh. Ai luan shumë mirë për Barcelonën por ka dështuar të tregojë talentin e tij me kombëtaren argjentinase. Ndoshta do ta bëjë këtë në Kampionat Botëror, le të presim dhe të shohim”, përfundoi Pele.
"Këto pohime të Peles natyrisht se pritet të zgjojnë debate mes argjentinasve dhe brazilianëve para fillimit të Kampionatit Botëror

Ka Ndrishime ne Qmimet e Transfertave

2010-04-15T21:08:00.000+02:00

Ka disa ndrishime ne qmimet e transferimeve tek lojtaret ne botë, Barcelona ka disa remje de qmimeve por ka edhe disa hipje te qmimave, Pedro dhe Busquets jan dy lojtaret qe iu ka rritur qmimi per transfert ndersa renje tek Henry, Chigrinsky, Marquez...

Qmimet ne Rritje:
Valdes nga 15.000.000 në 18.000.000
Sergio nga 18.000.000 në 20.000.000
Jeffre nga 1.200.000 në 3.000.000
Pedro nga 10.000.000 në 14.000.000

Qmimet qe kan rën:
Marquez nga 14.000.000 në 9.000.000
Chigrinksy nga 10.000.000 në 8.000.000
Toure nga 25.000.000 në 18.000.000
Bojan nga 12.000.000 në 10.000.000
Henry nga 30.000.000 në 12.000.000

Por Barcelona ende vazhdon te jet klubi me i shtrejt ne botë me gjithsej qmimet e lojtarve 507.000.000 €.

Edhe te klubet tjera ka pasur disa renje te qmimeve si edhe tek real madridi nga tranferimet qe beri i vetmi lojtar Ronaldo esht qe nuk ka renje te qmimit nga ato blerje. ndersa Kaka nga 65.000.000 ka ren ne 50.000.000 etj por kan rritje tek Higuain Garay etj..

Begiristain: Nëse e duam Fabregasin, do ta marrim

2010-04-15T21:05:00.000+02:00

Barcelona ka mohuar shkrimet e të mërkurës nëpër media, të cilat citonin drejtorin e Arsenalit, Peter Hill-Wood duke thënë se Barcelona i kishte premtuar Arsenalit se nuk do të interesohej për Cesc Fabregasin gjatë kësaj vere.
Këtyre pohimeve të drejtorit të Arsenalit iu kundërpërgjigj shpejtë sekretari teknik i Barcelonës, Txiki Begiristain, që i ka dërguar një mesazh të qartë Arsenalit duke thënë se nëse e do Fabregasin atë dhe do ta marrë.
“Nëse Barcelona mendon se ai është i nevojshëm për ekipin, ne do ta transferojmë, gjithnjë duke respektuar negociatat. Kurrë nuk kemi thënë se nuk do të provojmë të transferojmë Cesc Fabregasin. Le të shohim çfarë do të ndodhë”, tha Begiristain për AS.

Moratti darkon me Laportan!

2010-04-15T21:03:00.000+02:00

Presidenti i Barcelonës, Joan Laporta, është parë në ambientet e zyrtarëve të lartë të Interit, ndërsa arsyet e vizitës ende mbeten të panjohura.
Raporti thotë se Laporta ka shkuar për t’u takuar me Morattin në mënyrë që të dy të darkojnë. Dihet mjaft mirë miqësia që kanë Moratti dhe Laporta, por një vizitë e tillë është e pazakontë, sidomos para duelit të parë gjysmëfinal, javën e ardhshme në Giuseppe Meazza.
"Në të kaluarën është spekuluar për një kalim të Messit tek Interi, por kjo duket se nuk është arsye e vizitës, pasi që sipas disa burimeve, Laporta është i interesuar për të shikuar skuadrën e Interit në aksion ndaj Juventusit

Krkic për Riberyn?

2010-04-15T21:01:00.000+02:00

Sulmuesi i ri i Barcës, Bojan Krkic, mund të shërbejë si mjet për transferimin e Franck Ribery nga Bayern Munichu, pas raporteve të fundit në mediumet gjermane se Krkic mund të shkojë te Bayerni si pjesë e një mega-marrëveshjeje me në qendër Franck Riberyn.
Shtypi gjerman shkruan se përfshirja e Krkicit në këtë çështje do të ulte çmimin që duhet të paguajë Barcelona për Riberyn, duke bërë që spanjolli së bashku me 30 milionë euro të ishin të mjaftueshëm për transferimin e francezit, për të cilin të interesuara janë treguar Chelsea, Manchester City dhe Real Madridi.
"Ribery tha të mërkurën se do të vendosë të ardhmen brenda dhjetë ditësh, por nëse ai dëshiron të largohet, Bayerni do të preferonte që atë ta shesë këtë vit për shkak se vitin tjetër ai mund të largohet me parametra zero

Guardiola i kënaqur me fitoren ndaj Deportivos

2010-04-15T21:00:00.001+02:00

Menaxheri i Barcelonës, Pep Guardiola, është shprehur i kënaqur me fitoren 3-0 të ekipit të tij ndaj Derportivo La Coruna.
Bojan Krkic, i cili u aktivizua në vend të të lënduarit Zlatan Ibrahimovic, hapi serinë e golave pas 15 minutash, para se Pedro dhe Yaya Toure, të shënojnë nga një gol fantastik në pjesën e dytë, për ta forcuan Barcelonën në krye të tabelës.
“Jemi në një formë shumë më të mirë se në fund të sezonit të kaluar dhe kjo është një shenjë e mirë. Ekipi ka një fuqi të shkëlqyeshme mentale dhe Madrid do të na bëjë nderë nëse na ndjek gjithë kohën”, ka shtuar Guardiola

barqa siguron edhe 3 pik

2010-04-15T00:48:00.001+02:00

Lideri i Kampionatit spanjoll, Barcelona ka shënuar fitore prej 3-0 në takimin e zhvilluar në Camp Nou, kundër Deportivo La Corunas.
Bojan Krkic i kaloi vendasit në epërsi (16’), për të vendosur rezultatin e pjesës së parë.
"Me dy golat e shënuar nga Pedro dhe Yaya Toure në pjesën e dytë (69’ dhe 72’), Blaugranët vulosën fitoren.
'Aktualisht, Barcelona gjendet gjashtë pikë para vendit të dytë, të cilin e mban Real Madrid, që të enjten zhvillon takimin e xhiros së 32-të kundër Almerias

formacioni
FC Barcelona: Valdés, Alves, Piqué, Márquez, Maxwell, Xavi (Busquets 75'), Touré, Messi, Pedro, Jeffren (Keita 50'), Bojan (Henry 77')
gola: 1-0 Bojan (16'), 2-0 Pedro (68'), 3-0 Touré (71')

Bryant: Messi, lojtari më i mirë që kam parë

2010-04-15T00:30:00.000+02:00

Basketbollisti i Los Angeles Lakers, Kobe Bryant, ka lavdëruar fenomenin e Barcelonës, Lionel Messi, duke i quajtur performancat e argjentinasit si të pabesueshme.
“Ai është futbollisti më i mirë që kam parë ndonjëherë. Ç’është e vërteta, ai më mahnit pasi që është lojtari më i mirë në botë që vazhdon të zbulojë gjëra që kurrë më parë nuk i kam parë. Ai ka ende aftësi për t’u pjekur dhe për t’u përmirësuar si lojtar sepse është shumë i ri”.
“Unë gjithnjë tentoj t’i shikoj ndeshjet e Barcelonës në TV kur nuk duhet të luaj ndeshjet e mia. Për shembull, ajo çfarë bëri javën e kaluar ndaj Arsenalit është e pabesueshme. Ai është lojtar fenomenal, ai lufton për secilin top, ai luan më fortë se kushdo tjetër, ai mban topin ngjitur me këmbën dhe nuk i intereson çfarë ka përreth. Ai është lojtar i vështirë për t’u mbajtur për shkak të stilit me të cilin po luan”, deklaroi Bryant

Guadiola: Kreu mund të humbet me një rrëshqitje

2010-04-14T12:05:00.001+02:00

Trajneri i Barcelonës, Pep Guardiola, thotë se ata nuk mund të qëndrojnë të qetë edhe pse kanë marrë kreun e tabelës pas fitores së vikendit ndaj Real Madridit.
Katalanasit udhëheqin ndaj rivalëve të tyre me tre pikë dhe po ashtu rezultat më të mirë në ndeshjet mes tyre, që do të thotë se ata do të triumfojnë nëse dy ekipet përfundojnë me numër të barabartë të pikëve në fund të sezonit.
"Megjithatë, Guardiola preferon të mbetet i kujdesshëm në këtë shkallë.
“Është një avantazh qesharak, një moment, një rrëshqitje dhe ata na arrijnë neve. Ne ende nuk kemi arritur asgjë, duhet të shkojmë dhe të fitojmë ligën vetë dhe nuk do të ndalojmë së luftuari”, ka thënë spanjolli

Reali dhe Barca pas Ozil

2010-04-14T12:04:00.000+02:00

Real Madrid dhe Barcelona vazhdojnë të përcjellin situatën e mesfushorit të Werder Bremenit, Mesut Ozil.
Mesfushori i ri këtë javë mohoi spekulimet se ai tashmë kishte arritur marrëveshje për të vazhduar kontratë me Werderin. Me kontratën e tij që skadon vetëm pas 12 muajsh, Werder mund të detyrohet ta shesë atë gjatë verës.
"Mediat spanjolle shkruajnë se që të dy, Reali dhe Barcelona, janë të interesuar për të transferuar lojtarin. Në anën tjetër një prej klubeve tjera evropiane që interesohet për të është edhe Arsenali

FINALJA E COPA DEL REY NË BARCELONË

2010-04-14T12:02:00.001+02:00

Ndeshja finale e Kupës së mbretit të Spanjës mes Seviljës dhe Atletiko Madridit do të zhvillohet në stadiumin "Nou Kamp" në Barcelonë më 13 ose 19 maj, varësisht nga ajo se çfarë suksesi do bëjnë "jorganxhinjët " në Liga Europa.
Këtë vendim e ka marë Federata e Futbollit të Spanjës, pasi që të dyja skuadrat nuk gjetën gjuhë të përbashkët se ku të luajnë këtë ndeshje vendimtare për trofe. Skuadra nga Madridi, dëshironte që ndeshja të zhvillohet në "Nou Kamp", ndërsa sevilja kërkonte që ndeshja finale të zhvillohej në Valenci në stadiumin "Mestalja".

INIESTA MUNGON NË NDESHJET ME INTERIN

2010-04-13T18:19:00.001+02:00

Iniesta do ti mungojë Barcelonës për një muaj rresht

Andres Iniesta do ti mungojë Barcelonës për një muaj rresht. Një lajm të tillë kanë bërë të ditur nga klubi “katalonas”, të cilët kanë njoftuar se mesfushori i tyre ka lënduar muskulin e këmbës së djathtë dhe se sipas të gjitha gjasave ai do të mungojë rreth një muaj nga fushat e futbollit. Kështu Iniesta rrezikon të mos jetë pjesë e skuadrës për ndeshjet gjysmëfinale kundër Interit, në kuadër të Ligës së Kampionëve. 25 vjeçari Iniesta është një lojtar kryesor te skuadra e Barcelonës si dhe te ekipi kombëtar spanjoll, i cili konsiderohet si një nga skuadrat pretenduese për të fituar Kupën e Botës 2010.

Hodgson: Interi të eliminojë Barcelonën

2010-04-13T18:17:00.000+02:00

Trajneri i Fulhamit, Roy Hodgson, mbështet ish-klubin e tij Interin dhe trajnerin Jose Mourinho për të eliminuar kampionin aktual të Evropës, Barcelonën.
Hodgson ishte trajner i kampionit të Italisë në vitet nëntëdhjeta, ndërsa është shprehur i impresionuar nga progresi i bërë i zi-kaltërve në Evropë.
”Ata kanë luajtur vërtetë mirë këtë sezon. Natyrisht ata kanë arritur çerekfinalet më parë, por tani janë në gjysmëfinale, ku vërtetë do të kenë kundërshtar të vështirë”.
“Unë favorizoj Interin për të shkuar në finale të Ligës së Kampionëve edhe pse duhet të thyhet arra e fortë që quhet Barcelona”, përfundoi Hodgson

Valdes: Guardiola është sekreti i suksesit

2010-04-13T18:16:00.000+02:00

Portieri i Barcelonës, Victor Valdes, thotë se Pep Guardiola është ‘fajtori kryesor’ për historinë të cilën ata janë duke e shkruar.
Katalanasit sezonin e kaluar fituan tre tituj të rëndësishëm, La Ligën, Kupën e Mbretit dhe Ligën e Kampionëve, të cilëve më pas ua shtuan edhe Superkupën e Spanjës, Superkupën e Evropës dhe Kupën Botërore të Klubeve.
“Si katalanas ndjehem shumë krenar, krenar që Barcelona vazhdon të shkruajë histori në këtë udhëtim në të cilin përpiqemi të jemi ekipi më i mirë në botë. Po ashtu mendoj se prapa këtij ekipi është një sekret dhe ky është trajneri i jonë. Guardiola është shumë figurë e rëndësishme për ne, ai është heroi ynë në prapaskenë”, ka thënë Valdes

KROJF: KA KALUAR KOHA E MARADONËS, TANI ËSHTË KOHA E MESSIT

2010-04-13T18:15:00.000+02:00

Krojf: sot është radha e Messit

Presidenti i nderit te Barcelona, holandezi Johan Krojf ka mohuar se stili i lojës së argjentinasit, Lionel Messi mund të krahasohet stilin e tij, duke theksuar se stili i të luajturit të sulmuesit argjentinas, ngjason shumë me atë të Diego Armando Maradonas.
“Nuk gjej asgjë të përbashkët që me krahason me Messin”, – tha Johan Krojf. “Nuk ka asgjë të ngjashme”, – theksoi ish futbollisti dhe trajneri i Barcelonës, Krojf për gazetën “De Telegraaf” duke komentuar momentin e bujshëm të Messit, sidomos në paraqitjet e tij në ndeshjet kundër Aresnalit (4 gola të shënuar) dhe Real Madridit (1 gol).
Diskutimi mbi të cilin sulmuesi i ri argjentinas është më i mirë se sa Krojf në epokën e tij mund të ngacmojë e argëtojë shumë analistë të futbollit, por vetë ish-futbollisti holandez tha se nuk ka asgjë të krahasueshme midis tyre. “Jemi dy tipa lojtarësh komplet të ndryshëm”.
Ai më tej shton “Gjithsesi, te Messi ka diçka nga Maradona. Veçanërisht në kontrollin e jashtëzakonshëm të topit në hapësira të vogla, çka vjen edhe për shkak të avantazhit nga statuja e trupit të tij të vogël.
“Çdo kohë ka heronjtë e saj, dhe unë nuk kam bërë një klasifikim për ta kalkuluar atë në mënyre precize”, – theksoi Krojf. “Pele ishte një hero. Unë gjithashtu. Sot është radha e Messit”, – përfundoi holandezi, i cili ka qenë lojtari i parë që ka mundur të fitojë tri herë “Topin e artë” (1971, 1973 dhe 1974).

LA LIGA-FUTBOLL EDHE NË MESJAVË

2010-04-13T18:12:00.000+02:00

Messi dhe Pedro, synojnë të vazhdojnë me fitore

Kampionati i futbollit spanjol, La Liga vazhdon edhe në mesjavë, kur të sonte, të mërkurën dhe të ejnten do të zhvillohen ndeshjet e javës së 32-të. Sonte në nga ora 20:00 Valladolidi përballë Seviljes do të kërkojë pikët e shpëtimit, ndërsa Sportin Hijoni takohet me Tenerifen. Në orën 22:00 Getafe takohet me Villarealin, që ende ka gjasa të përzihet në luftën për vendin e katërt në renditje. Të mërkurën në program janë pesë përballje, në të cilat Atletiko Madridi takohet me skuadrën e fundit në renditje Herezin, Rasing Santanderi pret Espanjolin, Majorka është mysafire e Zaragozës, ndërsa Osasuna ndeshet me Malagën. Lideri i renditjes Barcelona të mërkurën në orën 22:00, në takimin që do të transmetohet drejtëpërsëdrejti në Alsat përballet me Deportivo La Korunjën. Ndjekësi i vetëm i Barcelonës në kreun e tabelës, Real Madridi të ejten si udhëtues takohet me Almerian, takim ky që gjithashtu do të transmetohet në Alsat, ndërsa derbi i javës zhvillohet në stadiumin Mestalja, ku Valencia do të ndeshet me Atletik Bilbaon.

Dyshet e javës së 32-të:
Valladolid Sevilla
Sporting Gijon Tenerife
Getafe Villarreal
Atletico Madrid Xerez
Racing Santander Espanyol
Zaragoza Mallorca
Osasuna Malaga
Barcelona Deportivo La Coruna
Almeria Real Madrid
Valencia Athletic Bilbao

gh

2010-04-13T00:04:00.001+02:00

Cruyff: Barcelona perfekte ndaj Realit

2010-04-12T22:54:00.001+02:00

Legjenda e Barcelonës, Johan Cruyff, është shprehur pas ‘el Classicos’ se ai u kënaq me skuadrën e Barcelonës dhe me atë që pa në ndeshjen e zhvilluar në Bernabeu.
“Nëse flasim me shifra, ne mund të llogarisim se ishte vetëm një ndeshje nga shtatë të mbetura dhe nëse mendojmë kështu, atëherë Reali do të jetë në gjendje ta përballojë presionin”.
“Do të ishte e padrejtë të mos përgëzonim intervenimet e Victor Valdesit, pasimet e Xavit dhe golat e Messit dhe Pedros. Gjëja më e mirë për ekipin ishte se të gjithë ishin të mirë dhe ekipi përfitoi. Ata ishin perfektë”.
“Reali është ekip shumë më i mirë se vitin e kaluar edhe pse pritjet janë të mëdha pas investimeve që bënë. Kur një ekip luan në bashkësi, atëherë ekuilibri në mesfushë mund të dominojë. Në këtë aspekt, Xabi Alonso atë mbrëmje ishte i larg i vetmuar”, përfundoi Cruyff.

Guardiola: Pedro i ka tejkaluar pritjet

2010-04-12T22:51:00.001+02:00

Trajneri i Barcelonës, Pep Guardiola, ishte pa fjalë kur kishte të bëjë me sulmuesin e ri Pedro, duke thënë se ai i ka tejkaluar pritjet për të.
“Ai është i pabesueshëm. Ne të gjithë e dinim se ai është lojtar kualitativ dhe se ai është mjaft i mirë për ekipin e parë, por ai po ofron më shumë se që kemi paramenduar”.
“Nuk kam fjalë për këtë djalosh dhe atë çfarë ka bërë ai këtë sezon. Ne jemi të kënaqur me paraqitjet e tij dhe unë vetëm shpresoj se ai do të vazhdojë kështu siç ka bërë deri tani”, u shpreh Guardiola

Milito: Duhet ta eliminojmë Barcelonën

2010-04-12T22:49:00.001+02:00

Sulmuesi i Interit, Diego Milito, ka deklaruar se Nerazurrët mezi presin të takohen me Barcelonën, për ta eliminuar atë dhe për të përfunduar tabunë e titujve në garën më të madhe evropiane për klube, Ligën e Kampionëve.
“Interi është ekip i mrekullueshëm, të cilit i ka munguar suksesi në Evropë qe një kohë të gjatë. Tifozët e duan këtë titull dhe ne jemi të detyruar të luajmë mirë. Nuk do të jetë një ndeshje e lehtë, por ne do të bëjmë më të mirën për t’u kualifikuar në finale”.
“Messi është numri një, ai vërtet nuk ka të ndalur. Është mirë të luash përkrah me të me Argjentinën, më ndodhi në Poloni, ishte kënaqësi. Ai u rrit, si lojtar ashtu dhe si njeri. Në Argjentinë, pritjet janë të mëdha nga ai për Kampionat Botëror dhe ai po mësohet se si ta menaxhojë presionin”, deklaroi Milito

Xavi: Nuk kemi frikë nga Bernabeu

2010-04-12T22:46:00.002+02:00

Maestro i mesfushës blaugrane, Xavi Hernandez, ka lavdëruar Pep Guardiolan për punën e tij me skuadrën dhe ka shtuar se falë tij, Barcelona ka një mentalitet fitues në Bernabeu, kur dihet se finalja e Ligës së Kampionëve zhvillohet pikërisht në Bernabeu.
“Nuk kemi frikë tani nga Bernabeu. Gjithë kjo falë trajnerit tonë Pep Guardiola që është vendimtar kur tregon se si të shkohet në sulm. Diferenca bëhet nga Guardiola, pasi që më herët shkonim në Bernabeu të frikësuar duke shpresuar për të mos pësuar”.
“Të dalësh nga Bernabeu si fitues është një ndjenjë e mrekullueshme. Ne e patëm besimin dhe euforinë, pasi që fituam një ndeshje të tillë. Unë e paramendoj zhgënjimin e tyre”.
“Messi, definitivisht është futbollisti më i mirë në botë”, përfundoi Xavi.

PEP GUARDIOLA VAZHDON ME REKORDE

2010-04-12T19:30:00.000+02:00

Guardiola 4 fitore rradhazi në ndeshjet "El Classico"

Asnjëherë më parë nuk ka ndodhur që një trajner i Barcelonës ti fitoj katër edicionet radhazi të “El-Classico-s”, ndërsa një rekord të tillë ka arritur edhe një herë tjetër trajneri më i mirë në botë, Pep Guardiola shkruan “El Mundo Deportivo”.
Deri më tani, Pep Guardiola ishte në një nivel me Enrike Fernandez (1947-1949) dhe Teri Vejnebëlls (1984-1986) të cilët kishin arritur nga tre fitore në ndeshjet me Realin e Madridit. Ajo që len përshtypje edhe më shumë në arritjet e Pep Guardiolas është edhe fakti që në këtë periudhë Barcelona ka arritur një gol-dallim shumë mbresëlënës11:2, (2:0, 2:6, 1:0 dhe 0:2), dhe se dy fitore nga gjithsej 4 ndeshje ka regjistruar në mes “Santiago Bernabeut”.

MESSI KËRKON EDHE “KËPUCËN E ARTË”

2010-04-12T19:29:00.000+02:00

Messi dëshiron edhe "Këpucën e Artë"

Lionel Messi është i pangopur dhe këtë vit nuk dëshiron të lerë asgjë pa fituar. “Këpuca e Artë”, trofeu i vetëm që argjentinasi nuk ka fituar, është shumë afër talentit nga “Kam Nou”. Me golin që i shënoi Realit të Madridit, ai ngjitet në vendin e parë të renditjes së golashënuesve më të mirë në Evropë, duke kaluar edhe Uejn Runin e Mançesteri Junajtedit.
La Liga dhe Liga e Kampionëve nuk i mjaftojnë yllit argjentinas, i cili ka arritur që gjatë vitit 2009, ti privatizojë edhe çmimet “Fifa Ëorld Player” si dhe “Topi i Artë”.
Ajo që i mungon yllit argjentinasit është vetëm “Kupa e Botës”, ku ai nuk është paraqitur asnjëherë si me skuadrën e Barcelonës.
Në derbin e së shtunës, Messi tregoi gjithashtu se është shumë përpara konkurrentit të tij Kristiano Ronaldo por edhe nga bomberi “madrilen”, Gonzalo Higuain.

Incident në ‘el Classico’?

2010-04-12T19:28:00.000+02:00

Drejtori i Real Madridit, Jorge Valdano dhe qendërmbrojtësi i Barcelonës, Gabriel Milito, kanë pasur një konfrontim në tunelin e stadiumit pas përfundimit të ndeshjes mes dy gjigantëve spanjollë.
Sipas raporteve nga Marca, Milito nuk i harroi fjalët e Valdanos dhënë për mediat spanjolle një vit më parë kur Valdano tha se Milito nuk e ka gjurin në rregull, një diagnozë që sipas Valdanos nuk lejoi që Milito të transferohej te Reali, për të cilën mori bërtima nga Milito: “ Tani çfarë? A ke për të thënë tani diçka?”.
"Siç thuhet nga dëshmitarët e ngjarjes, Valdano e injoroi Militon dhe komentet e tij dhe sipas disa burimeve, zyrtarë të Barcelonës ndërhynë duke e parandaluar Militon në mënyrë që situata të mos eskalojë

Messi: Nuk më intereson Ronaldo

2010-04-12T19:25:00.000+02:00

Ylli i Barcelonës, Lionel Messi, ka mohuar krahasimet me Cristiano Ronaldon pas fitores së vikendit ndaj Real Madridit.
Messi ishte në listën e golashënuesve së bashku me Pedro Rodriguez, pas fitores 2-0 në El Classico.
“Ekipi tregoi se është superior ndaj të gjithëve, por ne duhej ta dëshmonim atë përsëri. Ishte një fitore e rëndësishme, por tash duhet të vazhdojmë më tej. Ronaldo? Nuk dua të flas për të, ne ishim më të mirë se Madrid. Tash ne jemi të parët dhe keni një avantazh në La Liga”, ka thënë Messi

Gezuar Ditlindjen Thiago

2010-04-12T13:26:00.000+02:00

Mesfushori i Barca Atletic dhe i Kombtares Spanjole te rinjve Thiago Alcantara sod ai feston ditelindjene tyj qe mbush 19 vjec.

Në emër të të gjithëve visitoreve te fcb-ks.Tk, Thiago i dëshirojmë suksese ne te ardhmen me Barcelonen nje arritje te paparashikueshme te jet njeri nder me te mirt ne bot me Barcan te jesht gjithmon i lumtur gjithmon!

bnb

2010-04-11T16:11:00.000+02:00

“MARCA”, ADIOS PELLEGRINI

2010-04-11T15:35:00.001+02:00

Sipas të gjitha gjasave Pellegrini do të ndahet me Realin në fund të sezonit

Disfata e mbrëmshme e Realit të Madridit në “El Classico-n” e 160-të, kundër Barcelonës, me siguri do të shtyj drejtuesit e skuadrës “mbretërore”, që pas përfundimit të sezonit të ndahen me trajnerin kilian Manuel Pellegrini.
“Koha e Pallegrinit ka mbaruar” – shkruan në numrin e saj të sotshëm e përditshmja më e lexuar sportive në Spanjë, “Marca”. Kontrata e Pellegrinit me Realin skadon në verën e vitit 2011, dhe në rast se drejtuesit e skuadrës nga “Bernabeu”, dëshirojnë që të prishin këtë kontratë atëherë trajnerit kilian duhet që ti paguajnë rreth 5 milion euro, dëmshpërblim. Reali i Madridit edhe pse gjatë këtij sezoni harxhoi para të mëdha në transferimin e shumë yjeve të futbollit botëror si duket, në fund “galaktikat” do mbeten pas asnjë trofe.

MESSI: KEMI BËRË NJË HAP TË MADH DREJT TITULLIT

2010-04-11T15:34:00.001+02:00

Messi: kemi bërë një hap të madh drejt titullit në Spanjë

Fitorja e Barcelonës ndaj Real Madridit në “El Classicon” numër 160-të i ka rritur dukshëm gjasat për skuadrën nga “Kamp Nou”, për të mbrojtur titullin e vitit të kaluar. Një mendim të tillë ndanë edhe super ylli argjentinas Lionel Messi i cili një herrit ishte edhe autor i golit të parë në ndeshjen e mbrëmshme, në “Santiago Bernabeu”.
“A e kemi fituar titullin? Ka edhe shumë ndeshje për t’u luajtur. Ne kemi disa ndeshje të vështira si mysafir, megjithatë duhet pranuar se kemi bërë një hap të madh dhe jemi shumë pranë titullit. Ndeshja e mbrëmshme ishte një ndeshje e mbyllur për arsye se ekipet respektonin njëri-tjetrin. Ne i patëm rastet dhe i shfrytëzuam, për këtë arsye dhe e fituam ndeshjen”.
I pyetur në lidhje me një krahasim mes tij dhe Ronaldos, Messi u përgjigj:
“Unë kundër Ronaldos? Nuk ishte për atë, ju lutem, Barca ishte superiore ndaj Realit dhe kjo vlen më shumë. Ne morëm tri pikë tejet të rëndësishme. Tani jemi në krye të tabelës dhe kemi gjasa të mira për të mbetur aty deri në fund.
Gazetarët spanjoll nuk lanë pa parashtruar edhe pyetje lidhur me ligën e kampionëve, si dhe mundësinë për të mbrojtur titullin edhe në këtë veprimtari.
“Liga e Kampionëve? Le të shkojmë hap pas hapi. Ne mund të shkruajmë më shumë histori, shumë më shumë nëse na vjen përpara rrugës, por duhet të vazhdojmë të punojmë shumë”, - tha argjentinasi Messi pas përfundimit të ndeshjes me Realin.

VALDANO: NUK DORËZOHEMI

2010-04-11T15:33:00.001+02:00

Valdano: shpresojmë për një rast të dytë

Edhe përkundër faktit që skuadra e trajnerit Pep Guardiola, Barcelona ju dha një leksion të vërtetë futbolli në Bernabeu, futbollistëve të Realit, megjithatë drejtori sportiv i Horhe Valdano, ka refuzuar të pranojë humbjen ndaj Barcelonës në “El Classico-n” e 160-të.
“Ne duhet të mbajmë qetësinë. Ne duhet të dimë çfarë të bëjmë me shtatë ndeshjet e mbetura dhe të luftojmë deri në fund. Shtatë ndeshje më parë, Barcelona ishte pesë pikë para nesh dhe ne ishim në gjendje për të zvogëluar atë epërsi që kishte skuadra nga “Kamp Nou”. Tani shpresojmë për një rast të dytë. E di që tifozët janë të zhgënjyer, mirëpo shfrytëzoj rastin ti falënderoj ata që qëndruan prapa skuadrës. Nuk mund të flas keq për ekipin pasi që ne jemi mësuar të luftojmë deri në fund”, - u shpreh Valdano pas sfidës.

PELLEGRINI: HUMBËM NDAJ NJË EKIPI SUPERIOR

2010-04-11T15:30:00.001+02:00

Pellegrini: kjo është një humbje e rëndë

Trajneri i Real Madridit, Manuel Pellegrini, ishte tej mase i zhgënjyer me humbjen E skuadrës së tij para tifozëve në “Santiago Bernabeu”.
“Ndjehem i frustruar dhe i pafuqishëm. Ne kemi mundur të bëjmë më shumë. Barcelona nuk ishte si në ndeshjet tjera, por ajo shënoi e para dhe kjo e bëri më të fortë. Ne jemi në gjendje për më shumë se saqë kemi treguar. Ne jemi ekip i njëjtë ashtu siç kemi luajtur kohëve të fundit, por ndaj Barcës ne nxituam së tepërmi. Në fund humbëm ndaj një ekipi superior. Kanë mbetur edhe 21 pikë për të cilat duhet luftuar dhe ne nuk do të dorëzohemi. Ne do ta detyrojmë Barcelonën t’i fitojë ndeshjet. Ata e kanë gjithashtu Ligën e Kampionëve. Nëse bëjmë presion ne kemi gjasa”.
“Është humbje e rëndë kjo, por është dhe një rrugë e gjatë deri te titulli. Nuk mendoj se sot është kurorëzuar kampioni i Spanjës”, deklaroi Pellegrini.

GUARDIOLA: FITUAM ME ZEMËR

2010-04-11T15:29:00.000+02:00

Guardiola: kemi fituar një ndeshje të rëndësishme

Trajneri i Barcelonës, Pep Guardiola pas fitores së mbrëmshme ndaj Realit 2-0, ka thënë se fitorja është arritur me kurajë dhe zemër dhe se futbollistët e tij kanë dhënë më të mirën nga vetja.
“Ne erdhëm nga pozita e dytë për t’i mposhtur liderët dhe ne kemi fituar një ndeshje tejet të rëndësishme. Kjo është një fitore e madhe, pasi që kemi bërë një hap të rëndësishëm edhe pse në lojë kanë mbetur edhe 21 pikë. Ne kemi studiuar shumë ndeshje të Realit dhe e kemi parë që është tmerrësisht i rrezikshëm në kundërsulme. Ne ishim të ngurtë dhe fusha ishte e rrëshqitshme në fillim, por goli na qetësoi dhe më pas e patëm kontrollin e topit. Na është dashur zemër dhe kurajë që të fitojmë këtu pasi që askush nuk e kishte bërë më parë këtë sezon në këtë fushë. Ata kanë thellësi në lojën e tyre dhe është një ekip që ka një mesatare prej tre golash për ndeshje. Reali është ekip i frikshëm, por sot, ata kanë pasur vetëm një ose dy raste të cilat u krijuan pasi ne humbëm topin”.

BARCELONA ‘SHASHTIS’ REALIN NË ‘BERNABEU’

2010-04-11T15:21:00.000+02:00

Mesi dhe pedro festojnë shënimin e golave në "Bernabeu"

Barcelona mundi Realin në Madrid dhe dëshmoi edhe njëherë se përse është kampione aktuale e Europës dhe Spanjës. Në stadiumin “Bernabeu” në Madrid, Barcelona shënoi fitore me rezultat 2-0, falë golave të Mesit (33’) dhe Pedros (56’). Katalanjasit me këtë fitore marrin kreun e tabelës me 80 pikë të tubuara, duke e lënë Realin në vend të dytë me 77 pikë. Për madrilenët është disfata e parë në “Bernabeu” në Primera Divizion, pas serisë prej 15 fitoreve në po aq ndeshje të zhvilluara. Barcelona më këtë fitore shkon drejt mbrojtjes së titullit në Spanjë, ndërsa Realit si duket me gjithë ato investimet që ka bërë, mbetet pa asnjë trofe. Megjithatë, shpresa ka ende Reali sepse janë edhe 7 javë deri në fund dhe në futboll mund të ndodh shumëçka. Sfida e ardhshme për Realin do të jetë kundër Almerias si mysafirë gjatë ditës së mërkurë (15 prill), ndërsa një ditë më parë, Barcelona do të përballet me Deportivo La Korunjën në ‘Nou Kamp’

formacioni i ndeshjes real madrid - fcbarqa

2010-04-10T19:04:00.001+02:00

real madrid - fcbarcelona te ftuarit

2010-04-10T18:49:00.003+02:00

Barcelona është tashmë në Madrid

2010-04-10T13:58:00.001+02:00

Sot ne ora 12:15 19 futbollistet e Barcelones arriten ne Aeroportin Baraja ne Madrid
Nga aeroporti pajsaj lojtarët do të shkojë në Monte AC Real Hotel në kryeqytet, ku do te koncentrohen disa orë përpara lojës.

Barcelona është tashmë në Madrid

2010-04-10T13:58:00.000+02:00

“EL CLASICO” – DUELI MË I MADH SPORTIV NË BOTË

2010-04-10T13:28:00.000+02:00

A është "El Clasico" dueli më i madh sportiv në botë???

Vëmendja kryesore e adhuruesve të futbollit anembanë botës sonte do të jetë e përqëndruar në Madrid, kun ë “Snatiago Bernabeu” do të zhvillohet El Clasico e 160.
Ndeshja mes Realit dhe Barcelonës çdoherë tërheq vëmendje të posaçme të miliona shikuesve rreth rruzulit tokësor. “El Clasico” mund të thuhet se është finalja e kampionatit botëror për klube, me këtë ndeshje nuk mund të krahasohet as derbi ndeshjet mes Mançesterit dhe Liverpulit apo Milanit dhe Interit.
Me shpenzimet marramendëse të Florentino Perezit në fillim të këtij sezoni, “El Clasico” u pasurua edhe më tepër. Vlera e futbollistëve të të dy skuadrave kalon shifrën e 1 miliard eurosh.
Futbolli si sporti më i popullarizuar në botë njeh këtë përballje si “më të madhen” nga të gjithë duelët tjerë.
Edhe sported tjera kanë nga një “Clasico” në vete, mirëpo asnjë nuk arrin famën e “El Clasicos” spanjolle, të cilën këtë sezon ekskluzivisht keni mundësi të ndiqni në programin e televizionit fcbks.
Basketbolli ka përballjen mes Los Anxhelos Lejkers dhe Boston Seltiks, tenisi krenohet me takimin mes Federerit dhe Nadalit, ndërsa futbolli ndërkombëtar njeh rivalitetin mes Argjentinës dhe Brazilit, apo Italisë dhe Gjermanisë.
Mirëpo, a janë këto aq të famshme sa është “El Clasico” mes Realit dhe Barcelonës për të marrë epitetin përballja më e madhe sportive në botë

SONTE “EL CLASICO” NË ALSAT-M

2010-04-10T13:27:00.000+02:00

Reali dhe Barca sonte zhvillojnë përballjen e 160 mes vete

Këtë fundjavë në Primera Divizionin spanjoll do të zhvillohen ndeshjet e javës së 31-të. Në qendër të vëmendjes jo vetëm në Spanjë, por edhe në botë do të jetë kryendeshja e sezonit mes Realit të Madridit dhe Barcelonës e cila do të zhvillohet në “Santiago Bernabeu” . Kjo ndeshje e njohur si “El Clasico”, këtë sezon mund të vendos se cila prej këtyre dy skuadrave do të shpallet kampion i La Ligës. Ronaldo, Higuain, dhe Alonso përballë do të kenë Mesin, Çavin dhe Iniesta. Milionat e “mbretërve” kundër “magjisë” katalanase do të mund ti ndiqni sonte, ekskluzivisht në me fillim në ora 22:00.
Nën hijen e kësaj përballje do të zhvillohen edhe 9 takimet tjera. Sonte në Alsat-M me fillim prej ora 20:00 vjen përballja mes Viljarealit dhe Sporting Hihonit, ndërsa të dielën me fillim prej ora 19.00 do të mund të ndiqni përballjen mes Espanjolit dhe Atletiko Madridit.

Alves dëshiron Kakan në Barcelona

2010-04-10T13:26:00.000+02:00

Mbrojtësi i Barcelonës, Daniel Alves, thotë se atij do t’i pëlqente ta shohë Kaka të luajë në Barcelona. 'Alves vazhdimisht kishte mbrojtur bashkëlojtarin e tij brazilian në shtypin spanjoll, pasi ish-lojtari i Milanit ka dështuar pas transferimit në Real Madrid.'I pyetur se kënd do të dëshironte të shohë në Barcelona, Alves ka thënë për Guardian: “Kaka. Jo vetëm sepse ai është miku im, por po ashtu sepse mendoj se ai do të përshtatej mirë”.
“Vërtet më pëlqejnë lojtarët që i kemi, të cilët janë fenomenal, por ai do të na jepte edhe më shumë neve. Jashtë fushe ai është shumë kthjellët. Ai flet pesë gjuhë dhe ka studiuar”, ka shtuar Alves

RONALDO:MESSI TË SHTUNËN NUK MUND TË SHËNOJË GOLA!

2010-04-10T13:25:00.000+02:00

Ronaldo - Mund të fitoj ekipi më i mirë dhe ai ekip do të jetë Real Madridi

Cristiano Ronaldo, futbollisti më i shtrenjtë në botë dhe është mbase i bindur se të shtunën së bashku me Real Madridin do ta kthejnë duarthatë Barcelonën nga “Santiago Bernabeu”. Ronaldo beson se Reali do të fitojë kryendeshjen e javës së 31-të të Kampionatit të Spanjës. Reali-Barcelona luhet të shtunën mbrëma me fillim në orën 22.00. Një superndeshje botërore që me padurim po pritet nga dashamirët e futbollit, jo vetëm që të shohin një shfaqje të bukur futbolli, por edhe të mësojnë se kush mund të jetë më afër titullit të botës. Rivalët e përjetshëm do të zhvillojnë superderbin e 160-të mes tyre. Ronaldo ka pasur kohë të mjaftueshme që të vlerësojë derbin njëkohësisht Barcelonën dhe Messin. “Messi është duke pasur një kampionat fenomenal dhe duke jetuar një moment të shkëlqyer. Është një nga futbollistët më të mirë të kohës. Jam duke bërë mirë, jam i lumtur dhe i sigurt se vitet që do të kaloj këtu do të jenë shumë të mira. Messi dhe unë nuk jemi të vetmit futbollistë që do të luajnë dhe kjo nuk është ndeshje individuale. Dëshiroj ta ndihmoj Realin të fitoj tituj. Jam i sigurt se Messi dëshiron t’i ndihmojë Barcelonës. Shpresoj se Messi do të vazhdojë të shënoj gola, por jo të shtunën. Messi nuk luan vetëm dhe futbollistë përreth tij meritojnë lëvdata, Ai është fenomenal, por edhe bashkëlojtarët e tij janë të mirë. Barcelona është ekip komplet, kurse ne jemi ende duke ngecur paksa por shpresoj se do të kompletohemi më shumë se ç’ jemi. Është ndeshje e shkëlqyer, ndeshje speciale. Por kjo nuk do të jetë hera e parë ose e fundit që luaj. Dëshiroj të fitoj, në mënyrë që të jemi përpara tyre. Nuk kam asgjë kundër Barcelonës dhe ne jemi ekipi më i mirë në Ligë. Mund të fitoj ekipi më i mirë dhe ai ekip do të jetë Real Madridi”, tha Ronaldo

Jose Pinto nënshkruar marrëveshje të re me Barcelonën

2010-04-10T13:24:00.000+02:00

Portieri rezervë Jose Pinto ka nënshkruar vazhdimin njëvjeçar të kontratës me Barcelnën.
34-vjeçari, marrëveshja e të cilit skadon në fund të sezonit, tash është lidhur me gjigantin katalanas deri në qershor të viit 2011. Klauza blerëse prej 5 milionë eurosh mbetet e njëjta në kontratë.
:Pinto iu bashkua Barcelonës nga Celta Vigo në janar të vitit 2008, fillimisht si huazim, dhe mbulon portierin e parë Victor Valdes.

LA LIGA: “EL CLASICO” NË ALSAT-M

2010-04-10T13:23:00.000+02:00

Këtë fundjavë në Primera Divizionin spanjoll do të zhvillohen ndeshjet e javës së 31-të. Në qendër të vëmendjes jo vetëm në Spanjë, por edhe në botë do të jetë kryendeshja e sezonit mes Realit të Madridit dhe Barcelonës e cila do të zhvillohet në “Santiago Bernabeu” . Kjo ndeshje e njohur si “El Clasico”, këtë sezon mund të vendos se cila prej këtyre dy skuadrave do të shpallet kampion i La Ligës. Ronaldo, Higuain, Kaka dhe Alonso përballë do të kenë Mesin, Ibrahimoviqin, Çavin dhe Iniesta. Milionat e “mbretërve” kundër “magjisë” katalanase do të mund ti ndiqni ekskluzivisht në ALSAT-M të shtunën me fillim në ora 22:00. Nën hijen e kësaj përballje do të zhvillohen edhe 9 takimet tjera. Të shtunën në Alsat-M me fillim prej ora 20:00 vjen përballja mes Viljarealit dhe Sporting Hihonit, ndërsa të dielën me fillim prej ora 19.00 do të mund të ndiqni përballjen mes Espanjolit dhe Atletiko Madridit.

DYSHET E JAVËS SË 31-të:
MALAGA - SEVILLA
TENERIFE - VALLADOLID
VILLARREAL - SPORTING
XEREZ - GETAFE
REAL MADRID - BARCELONA
ATHLETIC B - ALMERIA
DEPORTIVO - RACING SANTANDER
OSASUNA - ZARAGOZA
ESPANYOL - ATLETICO M
MALLORCA - VALENCIA

Terry: Messi mund të mbyllet vetëm nga dy mbrojtës

2010-04-10T13:22:00.002+02:00

Kapiteni i Chelseat, John Terry, thotë se për ta ndaluar superyllin e Barcelonës, Lionel Messi, duhen dy persona.
Messi shënoi të katër golat e fitores 4-1 të Barcelonës ndaj Arsenalit gjatë të martës, ndërsa sonte udhëton në Bernabeu në derbin ‘el Classico’.
“Mendoj se mënyra më e mirë për ta ndaluar Messin është ta lejosh mbrojtësin tonë të majtë Ashley Cole të përpiqet ta pengojë edhe atë diku në mesfushë. Ai është aq i mirë, i mrekullueshëm dhe i paarritshëm në kohë”.
“Nëse vjen brenda (zonës së rreptësisë) në çdo kohë duhen dy persona për ta ndaluar atë. Nuk mund t’ia dilni me të një në një. Kam qenë i impresionuar me atë këtë javë dhe ai është një talent i veçantë, veçanërisht kur luan në Nou Camp”, ka thënë Terry

Alves: Rooney më i mirë se Ronaldo

2010-04-10T13:22:00.001+02:00

Mbrojtësi i Barcelonës, Dani Alves, ka vazhduar me deklaratat e tij sensacionale para ‘el Classicos’ duke thënë se Wayne Rooney është më i mirë se Cristiano Ronaldo me ç’rast për Leo Messin thotë pa kurrfarë dyshimi ai është më i miri në botë.
“Vërtet e kam një pikë të dobët te Rooney…ai është i pabesueshëm, fantastik. Ai është i mrekullueshëm. Mënyra se si luan… Ai është perfekt”.
“Ai është më i mirë se Cristiano Ronaldo, por Ronaldo ia morri protagonizmin vitin e kaluar”.
“Messi është pa kurrfarë dyshimi futbollisti më i mirë në botë. Sa për Unitedin, tani United është një ekip i vërtetë dhe jo kur e kishte Ronaldon”, përfundoi Alves

La Liga: Futbollistët në grevë

2010-04-10T13:20:00.001+02:00

Asociacioni i lojtarëve në Spanjë (AFE) ka bërë thirrje për grevë për shkak të bllokimit të pagave, protesta të cilat do të ndikojnë në moszhvillimin e ndeshjeve në katër kampionatet e Spanjës nga 16 deri më 19 prill. .Kjo grevë do të mbahet në javën e 33-të të Primera Divisionit dhe Segunda Divisionit, ashtu si në kategoritë tjera më të ulëta. Kjo grevë do të respektohet nga të gjithë lojtarët në La Liga, La Segunda, La Segunda B dhe Tercera Division.
'Nëse AFE nuk gjen zgjidhje për kompensimin e borxheve të klubeve ndaj lojtarëve që llogaritet të jetë rreth 4 milionë euro, atëherë pritet të merren masa tjera.'
/Ndeshjet e prekura të javës së 33-të në La Liga janë: Malaga – Valladolid, Sevilla – Sporting, Tenerife – Getafe, Villareal – Atletico Madrid, Xerez – Racing, Espanyol – Barcelona, Deportivo – Almeria, Real Madrid – Valencia, Athletic Bilbao – Zaragoza dhe Mallorca – Osasuna

jty

2010-04-10T12:24:00.002+02:00

1 Lajm shokues per t'gjith

2010-04-08T23:44:00.003+02:00

1 Lajm shokues per simpatiziesit e real madridit se: PORTIERI ME I MIR NE BOT IKER CASILLAS NUK DO TA KET FATIN TA SHIJOJ NDESHJEN DERBY TE "el clasico" SEPSE FATKQESISHT E KA KAPLUAR GRIPI ME I RI QE KAPLOI BOTEN? "Gripi i Messit" hehe Don't worriedd..........
by.kumonova

Mourinho dizajnon planin për ta ndalur Messin

2010-04-08T21:06:00.000+02:00

Jose Mourinho ka filluar të mendojë për sfidën ndaj Barcelonës, duke marrë menjëherë një laps, një letër dhe një DVD të Lionel Messit për të dizajnuar strategjinë e ndaljes së asit të Barcelonës.
Il Corriere dello Sport njofton se strategu i Interit ka filluar të planifikojë mënyra të ndryshme për të ndalur sulmuesin argjentinas kur klubet të takohen në gjysmëfinalen e parë më 20 prill në San Siro.
"Krahas shikimit të DVD-ve të Messit me stafin e tij, Mourinho ka dërguar anëtarë të stafit për ta shikuar Messin në aksion ndaj Real Madridit në ‘el Classico’ të shtunën. Stafi i deleguar nga Mourinho do ta shikojë dhe ndeshjen e mesjavës që Barcelona e zhvillon kundër Deportivo La Corunas.
"Më pas, Mourinho do të udhëtojë personalisht për të shikuar derbin ndaj Espanyolit më 17 prill, vetëm tri ditë para se të zhvillohet gjysmëfinalja e parë.
"Ai gjithashtu pritet të bëjë një plan mjaft përmbajtjesor që do t’ua shpjegojë mbrojtësve dhe mesfushorëve të tij. Walter Samuel, Esteban Cambiasso dhe Javier Zanetti do t’i nënshtrohen mësimeve shtesë se si ta ndalin bashkëkombësin e tyre

Stoichkov: Reali do ta sulmojë Messin nga të gjitha anët

2010-04-08T21:02:00.002+02:00

Ish-futbollisti i Barcelonës, Hristo Stoichkov, ka deklaruar për Marca se Barcelona do ta fitojë ‘el Classicon’ e Bernabeut, duke shtuar se Reali do ta ketë pikësynim neutralizimin e Messit.
“Barcelona do ta fitojë ‘el Classicon’ e Bernabeut. Real Madridi do ta sulmojë Messin nga të gjitha anët”.
“Shpresoj se Mejuto Gonzalez do të shohë gjithçka në fushë, sepse dyshoj në aftësitë e tij”.
“Unë e urrej Real Madridin dhe Los Blancos”, përfundoi Stoichkov

SA, 900 DOLLAR PËR LEO? JO FALEMINDERIT...

2010-04-08T21:01:00.000+02:00

Messi me motrën Maria Sol dhe vëllaun Rodrigo

Skuadra e River Plate, kishte mësuar shumë herët për talentin të cilin e posedon Messi, por megjithatë ishin tërhequr nga angazhimi i tij kur kishin mësuar se në muaj për shërimin e tij duhet të paguajnë nga 900 dollarë.
Me vetëm pesë vjet dhe dy muaj Leo Messi kishte marrë topin në ndeshje futbolli dhe kishte mashtruar të gjithë kundërshtarët për të shënuar gol me të majtën. Që nga ajo kohë ishte bërë e ditur se çudia prej fëmiu vjen nga skuadra lokale Grandola, e cila drejtohej nga babai i tij Jorge.
DY vjet më vonë kalon te skuadra e Newell’s Old Boys dhe këtu e kishin zbuluar drejtuesit e skuadrës së River Plate. Megjithatë shtatshkurtri Leo, nuk ishte më fëmijë i shëndoshë. Mjekët kishin vërtetuar se Messi vuan nga çrregullimi i hormoneve të rritjes, ashtu që në moshën 11 vjeçare futbolli doli në plan të dytë. Familja e tij kishte filluar të mendojë vetëm për shërimin e të birit të tyre.
River Plate e dëshironte, por kur kishin mësuar se për shërimin e tij për çdo muaj duhet të paguajnë nga 900 dollarë kishin hequr dorë nga Messi.
Drejtuesit e Barcelonës, kanë ftuar babin e Messit dhe i kanë bërë me dije se këta janë të gatshëm të paguajnë shpenzimet për shërimin e futbollistit por me kusht që e tërë familja të shpërngulet në Spanjë. Nga të ardhurat e prindërit dhe të ëmës familja e tij mezi mbijetonte dhe vendosën të shpërngulen në Barcelonë, nga ajo kohë ka filluar të shkruhet historia e Messit.

Guti: Ky do jetë ‘el Classico’ i fundit për mua

2010-04-08T21:00:00.000+02:00

El Classico’ i të shtunës përveç se do e vendosë titullin në La Liga, do të jetë edhe derbi i fundit për Jose Maria Gutin, i cili pohon se nga sezoni i ardhshëm nuk do jetë më lojtar i Real Madridit.
“E ardhmja ime është e qartë. Ky definitivisht do të jetë ‘el Classico’ i fundit për mua. Sipas situatës sot, nuk ka gjasa që unë të vazhdoj te Reali. Unë kam edhe një vit në kontratë por shpresoj se do të kuptohemi. Jam i sigurt se do të mirëkuptohem me Realin pasi që nuk ka gjasa që unë të qëndroj më këtu dhe dua të largohem”.
“Nuk ka nevojë të bëhet dramë për gjithë këtë, koha kur do të luash më pak vjen për secilin dhe të gjithë duhet ta kuptojnë këtë. Gjëja më e rëndësishme është që të largohem me dinjitet, sidomos nga një klub si Real Madridi”.
“Unë mund të luaj edhe dy vite futboll. Ideja është që të shkoj në Angli, Itali, apo në ndonjë nga vendet Arabe. Varet nga ofertat. Numrin 14 do t’ia lë Xabi Alonsos sepse ai e do atë. Unë do të vazhdoj ta kem zemrën te Reali”, deklaroi Guti për radio Onda Madrid

Maradona krahason Messin me Zotin

2010-04-08T20:58:00.000+02:00

Pasi që pa Messin duke shkatërruar çdo gjë para vetes ndaj Arsenalit, trajneri i tij te kombëtarja argjentinase Diego Maradona, ka tejkaluar çdo kufi duke e krahasuar Lionel Messin me Zotin.
Të gjithë janë mahnitur nga e bëma e Lionel Messit të martën në Camp Nou ndaj Arsenalit, që vuri vulë se është lojtari më i mirë që ka luajtur ndonjëherë për Barcelonën, ndërsa legjenda e Argjentinës, Diego Maradona, ka pasur guximin ta krahasojë atë me Zotin.
“Ne jemi të gjithë të lumtur për të dhe ne e dimë se sa me fat jemi që ai është argjentinas. Për momentin, ai po luan futboll më mirë se Zoti. Unë i kam thënë atij se koha ime ka kaluar. Unë i kam thënë se është në dorë të tij se çfarë mund të bëjë në karrierë dhe në fund do ta shohim se kush ishte më i miri”.
“Është thënë se Messi nuk ka pasion kur luan për Argjentinën, por unë e kam parë për së afërmi dhe them se mund të mbështetem në të. Dua që lojtarëve të mi t’ua shtoj besimin dhe mendoj se kjo skuadër ka më shumë talent se ajo e vitit 1986. Kam besim të madh në këta djelmosha dhe njerëzit mund të mendojnë çfarë të duan. Nëse duhet të ndërmarr rreziqe, këtë dhe do ta bëj”, deklaroi Maradona

Ronaldo: Messi nuk do shënojë në ‘el Classico’

2010-04-08T20:57:00.000+02:00

Cristiano Ronaldo ka vazhduar me deklaratat retorike para ‘el Classicos’, duke thënë në një konferencë për shtyp se Barcelona është ekip më i kompletuar, por se Messi do ta ketë të vështirë të përsëris atë që bëri ndaj Arsenalit.
“Lojtari më i mirë në botë? Hmm, unë jam më i vjetër, më i gjatë dhe më i gjerë se Messi”, theksoi me shaka Ronaldo.
“Ai po kalon një sezon fenomenal dhe ai është njëri prej më të mirëve, si tani ashtu dhe në të gjitha kohërat. Unë po luaj mirë, dhe jam i kënaqur sepse e di që vitet e ardhshme do të jenë shumë të mira”.
“Messi vs unë në ‘el Classico’? Messi dhe unë nuk jemi lojtarë që luajmë individualisht. Unë dua t’i ndihmoj Realit të fitojë tituj, ashtu si Messi Barcelonës. Shpresoj se Messi të vazhdojë të shënojë gola, por të shtunën ai nuk do të shënojë. Messi nuk luan vetë dhe bashkëlojtarët e tij janë për t’u lëvduar. Ai është fenomenal por edhe ata përreth tij janë gjithashtu. Barcelona është ekip shumë i kompletuar dhe neve na mungon një gjë e kësaj. Shpresoj se ne do bëhemi më të kompletuar”.
“‘El Classico’? Do të jetë ndeshje e madhe, një ndeshje e veçantë. Por nuk do jetë as ndeshja e parë e as e fundit. Unë dua të fitoj që të jemi para tyre në tabelë. Nuk kam asgjë kundër Barcelonës pasi që jemi dy ekipet më të mira në Spanjë. Le të fitojë ekipi më i mirë dhe ai ekip të jetë Real Madridi”.
“Hakmarrje për 2-6? Janë dy ndeshje të ndryshme me lojtarë të ndryshëm. Ne nuk e ndjejmë nevojën për hakmarrje. Ne e dimë se kjo ndeshje mund ta vendosë La Ligën. Ne kemi si synim ta fitojmë këtë ndeshje”, përfundoi Ronaldo

Ibra: Fitimi i LK në Bernabeu do jetë fantastik

2010-04-08T20:55:00.000+02:00

Sulmuesi i Barcelonës, Zlatan Ibrahimovic, ka thënë se triumfi në Ligën e Kampionëve, në shtëpinë e Real Madridit do të përbënte një titull më të ëmbël.
“Ne po e shkruajmë historinë dhe jam krenar që jam pjesë e saj. Fitimi i titullit në Bernabeu do të ishte fantastik pasi që po bëjmë gjithçka për të qenë në finale”, thotë Ibra, i cili shprehet të jetë i sigurt se skuadra e tij do ta eliminojë Interin (në gjysmëfinale).
“Barcelona dhe Interi janë dy ekipe të ndryshme. Këtu duhet të mbani topin, kurse në Itali mendojnë se një gol është i mjaftueshëm”, deklaroi Ibrahimovic për La Gazzeta dello Sport

Baggio: Interi mund ta ndalojë Bacelonën

2010-04-08T20:54:00.000+02:00

Roberto Baggio thotë se Interi do të ketë një punë të vështirë në gjysmëfinalen e Ligës së Kampionëve kundër Barcelonës, por mendon se nerazurët mund t’i ndalojnë blaugranët.
Legjenda italiane thotë se mundësia më e mirë që Interi ta ndalojë Barcelonën është të mos i lejojë ata të futen në San Siro.
“Nëse marrim parasysh se Barcelona është kampion dhe për tre vite ka arritur në gjysmëfinale dhe nëse shihni se çfarë kanë bërë ata këtë sezon në ndeshjet kundër Interit, është e drejtë të thuhet se janë favoritë”.
“Si mund të ndalohen? I ndaloni duke mos i lejuar të futen në San Siro! Pak Shaka. Interi më duket ekipi i duhur që mund ta ndalojë Barcelonën. Për lojtarët, ndeshjen dhe mentalitetin, ata kanë mjetet për të shqetësuar Pep Guardiolan”, ka thënë Baggio

Messi: Italia? Kurrë mos thuaj kurrë

2010-04-08T20:51:00.003+02:00

Lionel Messi nuk përjashton që më vonë gjatë karrierës së tij të preferojë të luajë në Itali.
“Në Itali një ditë? Nuk e di, gjithmonë kam thënë se dua të qëndroj këtu. Në futboll kurrë nuk mund të thoni kurrë, por ideja ime është që të mos largohem”, ka thënë Messi.
"Argjentinasi, i cili ndihmoi Barcelonën të kualifikohet në gjysmëfinale të Ligës së Kampionëve pas katër golave të shënuar në takimin kundër Arsenalit, aktualisht është futbollisti më i mirë në botë.
"Ylli i Barcelonës tashmë një kohë është cak i Interit me presidentin Massimo Moratti që në disa raste ka shprehur dëshirë për ta pasur atë në radhët e veta.

Alves: Barcelona është gjithçka e mirë në futboll

2010-04-08T20:51:00.001+02:00

Daniel Alves thotë se ekipi i Barcelonës që drejtohet nga Pep Guardiola përfaqëson gjithçka të mirë që mund të ketë futbolli.
“Filloni të luani futboll si fëmijë pasi ëndërroni të luani në mbrëmje si këto. Nëse ju pëlqen futbolli, siç na pëlqen neve, atëherë është për shkak të kualitetit, lojës së mirë, paraqitjes inspiruese dhe ne jemi të tmerrshëm kundër rivalëve të vështirë”, ka thënë mbrojtësi brazilian.
"Barcelona të shtunën e ka edhe një ndeshje tjetër të rëndësishme, derbin ‘el Classico’ kundër Real Madridit në Bernabeu, ndeshje e cila mund të jetë vendimtare për titullin e kampionit të Spanjës

Xavi: Messi larg më i mirë se tjerët

2010-04-08T20:50:00.001+02:00

Mesfushori i Barcelonës, Xavi, thotë se bashkëlojtari i tij Lionel Messi qëndron i vetëm si lojtari më i mirë në botë.
22-vjeçari argjentinas arriti i vetëm të mposhtë Arsenalin në ndeshjen e kthimit çerekfinale të Ligës së Kampionëve duke shënuar katër gola.
“Leo është në një nivel krejtësisht tjetër nga çdo lojtar tjetër në botë, në një nivel krejtësisht tjetër. Nëse jeni me fat mund të gjeni një lojtar si ky vetëm një herë në një çerek shekulli”, ka thënë Xavi.

Forlan: Aguero para Messi

2010-04-08T20:47:00.000+02:00

Sulmuesi i Atletico Madrid, Diego Forlan, thotë se secilën herë ai do ta zgjedhë Sergio Agueron para yllit të Barcelonës, Lionel Messi.
“Messi ose Aguero? Preferoj Agueron pasi ai është bashkë-lojtari im, por duhet ta pranoj se të dy janë lojtarë të shkëlqyeshëm, të talentuar dhe me një të ardhme të shkëlqyeshme” ka thënë Forlan.
"Sulmuesi uruguaian ka komentuar edhe takimin e sotëm të Europa League kundër Valencias duke thënë se ata janë më se të motivuar.
“Është një ndeshje e rëndësishme dhe për ata të cilët gjithmonë ëndërrojnë të luajnë kundër një rivali të madh si Valencia dhe po ashtu në shtëpi me njerëz shumë të motivuar. Ne shpresojmë të nxjerrim një rezultat të mirë dhe të kalojmë në rundin e ardhshëm”, ka thënë më tej Forlan

MARADONA: MESSI DO TË DËSHMOJ SE ËSHTË MË I MIRË SE UNË DHE PELE

2010-04-08T20:46:00.001+02:00

Maradona:Nëse fitojmë Kupën e Botës 2010, atëherë përgjigjen e përjetshme “Cili është më i mirë - Pele apo Maradona”, do ta zgjidhim. Ai është argjentinas...

Diego Armando Maradona i cili një herrit është edhe trajner i Lionel Messit në ekipin kombëtar të Argjentinës, tha se ylli i Barcelonës është në rrugë të mirë për tu bërë futbollist më i madh i të gjitha kohërave. Sipas tij, Messi do të ndihmojë Argjentinën për të fituar titullin botëror dhe në atë mënyrë do të dëshmojë se është më i mirë se Don Diego dhe Pele.
“Messi është më i miri në botë dhe një figurë kyçe te Barcelona. Kur ai luan, ne thjeshtë gëzohemi, futbolli i tij është i një niveli tjetër. Nëse fitojmë Kupën e Botës 2010, atëherë përgjigjen e përjetshme “Cili është më i mirë - Pele apo Maradona”, do ta zgjidhim. Atëherë as brazilianët, as spanjollët, as anglezët, as gjermanët nuk do të mund të kundërshtojnë se futbollisti më i mirë në historinë e futbollit është argjentinas” - tha Maradona.
“Ne biseduam shumë pas ndeshjes miqësore kundër Gjermanisë. Kemi biseduar dy orë të plota në hotel, duke i folur për përvojën time dhe duke e paralajmëruar se çdo javë para tij do të ketë sfida edhe më të mëdha dhe se duhet të jetë në gjendje për ti kapërcyer ato. Me sa shoh unë, ai po arrin” - tha Don Diego

MARADONA: MESSI IK NGA DROGA, MOS GABO SI UNË...

2010-04-08T20:44:00.000+02:00

Maradona këshillon Messin që të jetë i kujdesshëm

I vetëdijshëm se në përfaqësuesen e tij ka futbollistin më të mirë në botë për momentin,trajneri i Argjentinës, Diego Armando Maradona potencoi se Mesi është në rrugë të mirë të bëhet futbollisti më i mirë në histori.
"Ai është në rang më të lartë, më i miri në botë dhe futbollisti kyq në suksesin e Barcelonës" theksoi Maradona, për të cilin shumica e njerëzve besojnë se është futbollisti më i mirë në historinë e futbollit.
Karierën e tij të mahnitëshme, Maradona e shkatërroi me gabimet e tij katastrofale në jetën e tij private përplot me alkohol dhe drogë. I vetëdijshëm se çka sjell fama e madhe, Maradona sot ia tërheqi vërejtjen Leo Mesit
"Mesit i duhet qetësi në jetën private. I duhet familja e tij dhe e dashura. Asgjë më tepër. Nëse nuk i rrespekton këto, ai do të përfundojë si unë, në jetën e drogës. Kam biseduar me atë shumë, posaqërisht pas ndeshjes miqësore me Gjemraninë dhe i kam treguar se çka më ndodhi mua. I kam thënë që të ketë shumë kujdes në shoqëri. Karriera ime ka përfunduar ndërsa ai sapo ka filluar të shkëlqejë dhe nëse vazhdon kështu, me padyshim ai do të jetë futbollisti më i mirë në historinë e futbollit" përfundoi legjenda e futbollit argjentinas, Diego Armando Maradona.

MARADONA: "DO TË JETË MË I MIRI KUR DO TË FITOJË BOTËRORIN"

2010-04-08T20:42:00.000+02:00

Messi, a do ta rrëzojë nga piedestali idolin e tij, Maradonën???

"Messimania" nuk ka të ndalur. Pas një tjetër paraqitje spektakulare të argjentinasit të Barcelonës dhe katër golave të shënuar ndaj Arsenalit, ka folur edhe seleksionuesi i Argjentinës, Diego Armando Maradona. Legjenda e futbollit botëror pajtohet se Messi për momentin është futbollisti më i mirë në botë.
Mirëpo i pashmangshëm ka qenë mendimi i numrit një të pankinës argjentinase për krahasimet dhe bindjet se Messi që tani ka kaluar Pelen dhe Maradonën si futbollisti më i mirë në historinë e këtij sporti.
"Për atë se a është Messi më i miri në histori mund të flitet kur ai të përfundojë karierën. Mirëpo është në rrugë të drejtë, ndërsa nëse fiton Kampionatin Botëror me Argjentinën do të ketë edhe më shumë gjasa të bëhet futbollisti më i mirë i të gjitha kohrave", - theksoi Maradona

fcbarcelona 4-1 arsenal foto

2010-04-07T23:56:00.003+02:00

SI TË NDALET MESSI? NË PANKINË ULNJA MARADONËN

2010-04-07T23:54:00.000+02:00

Messi nuk do kishte shënuar në këtë mënyrë, nëse Maradonën e ka në pankinë.

Kolumnisti Marcin, para 'El Clasico' në mënyrë ironike futbollistëve të realit të Madridit iu ka treguar se si mund ta ndalin Lionel Messi. Sipas ti argjentinasi mund të ndalet vetëm nëse në pankinën e tij është i ulur Diego Armando Maradona
Si ta ndalim atë njeri?, është titulli i gazetës prestigjioze spanjolle Marca e cila vëmendje të madhe i kushton kryendeshjes të futbollit botëror në të cilën në Santiago Bernabeu të shtunën do të përballen Reali dhe Barcelona. Messi në mënyrë individuale eliminoi Arsenalin nga Liga e Kampionëve dhe me lojën e tij sërish mahinit botën. Me paraqitjen e tij janë të impresionuar edhe futbollistët e Realit të Madridit.
“Patjetër duhet ti përkuleni, pasi që ai është futbollist i cili sjell dallim. Patjetër duhet të jemi të koncentruar dhe të tregojmë respekt maksimal ndaj Barcelonës” – ka thënë futbollisti i “mbretërve” Segio Ramos.
Sipas “AS-it” në këtë ndeshje Messin do të duhet ta ruaj Arbeloa. Përse? Për shkak se në katër ndeshjet e mëparshme me sukses e ruajti. Nga ana tjetër kolumnisti Marcin, në mënyrë ironike ka thënë se Messin, mund ta ndalin vetëm nëse në pankinën e tij do të ishte ulur Diego Armanda Maradona, trajner i përfaqësueses së Argjentinës. Marcin në këtë mënyrë e bën të qartë se përse Messi luan dobët në ekipin përfaqësues.

Guardiola ua ndalon lojtarëve të flasin për ‘el Classicon’

2010-04-07T23:51:00.000+02:00

Sipas Marca, në mënyrë që të shmangen deklaratat e flakta para takimit vendimtar ndaj Realit, trajneri i Barcës, Pep Guardiola ua ka ndaluar lojtarëve të tij të flasin për ‘el Classicon’.
Të martën, pas ndeshjes ndaj Arsenalit, Guardiola tha se nuk dëshiron të flasë ende për duelin ndaj Real Madridit. Ndërsa të mërkurën, në një konferencë për shtyp në promovim të librit të Gerard Piques, ishte ky i fundit që tha: “ Është mirë të mos flas për duelin Madrid – Barcelonë”.
"Për më shumë, Guardiola ka anuluar të gjitha intervistat e lojtarëve të tij për mediat spanjolle pasi që ai do të jetë njeriu i vetëm nga shtabi i Barcelonës që do të flasë për ‘el Classicon’ në një konferencë të enjten

Barcelona vs Arsenal në VIP Shpija

2010-04-07T19:29:00.002+02:00

I zoti i shpisë i dha një dhuratë banorëve duke ju dhënë mundësinë të shohin Live ndeshjen Barcelona me Arsenalin.

Banorët u ndanë në dy grupe dhe shikuan ndeshjen së bashku.

Shumica e banorëve simpatizuan Barcelonen e cila edhe fitoj ndeshjen përveç Kastros dhe Osmanit të cilët mbetën shumë të zhgënjyer.

MESSI: ME RËNDËSI ËSHTË QË BARCELONA TË VAZHDOJË ME FITORE

2010-04-07T19:15:00.000+02:00

Messi: gjëja më e rëndësishme është që skuadra të vazhdojë me fitore

Ylli argjentinas, Lionel Messi, i cili shkëlqeu në mbrëmjen e së martës në “Kamp Nou”, duke shënuar katër gola në fitoren 4:1 ndaj Arsenalit, është shprehur modest edhe përkundër faktit që mediat botërore e kanë quajtur atë një futbollist që vjen nga një planet tjetër.
“Ndjehem shumë mirë, tifozët gjithmonë kanë një raport të mirë me mua. E kemi ditur se duhet të luajmë në këtë mënyrë në fushën tonë. E filluam dobët, por e mbyllëm ndeshjen në mënyrë fantastike”, ka theksuar Messi.
Sa i përket katër golave të shënuar argjentinasi nuk ka dashur të flasë shumë, duke thënë se e rëndësishme është që Barcelona t’i gëzohet fitoreve.
“Gjëja më e rëndësishme është që skuadra të vazhdojë me fitore dhe unë shpresoj se do t’ia arrijmë qëllimit, por duhet të vazhdojmë të punojmë shumë. Kanë mbetur ende një punë e madhe për t’u bërë si në Ligën e Kampionëve ashtu edhe në La Liga. Para nesh është një tjetër ndeshje e rëndësishme, ajo kundër Realit dhe duhet të qëndrojmë në këtë ritëm”, ka nënvizuar Messi. Argjentinasi është përgjigjur edhe në pyetjen e gazetarëve nëse do të mund ta përsërisë një paraqitje të tillë si ndaj Arsenalit edhe në “El Classico”, që zhvillohet të shtunën në orën 22:00 në “Santiago Bernabeu”.
“Jo, kjo do të ishte shumë e vështirë. Me rëndësi është që ndaj Realit të fitojmë, 1:0 apo me çfarëdo rezultati, sepse në fund llogaritet fitorja”, ka përfunduar Messi

ERIK ABIDAL MUNGON PËR NDESHJEN ME REALIN

2010-04-07T19:14:00.001+02:00

Abidal mungon për ndeshjen "El Classico"

Mbrojtësi i Barcelonës, Erik Abidal nuk do të jetë në gjendje për të luajtur në ndeshjen e së shtunës kundër Realit të Madridit. Shkak për mos prezencën e tij në “Santiago Bernabeu”, është një dëmtimi në abdomen. Mbrojtësi francez u lëndua mbrëmë në ndeshjen kundër Arsenalit, me çka ishte i detyruar që të zëvendësohet nga braziliani Maksuell. Kjo do të thotë se francezi me siguri do të humbasë ndeshjen “El Classico”, në “Santiago Bernabeu”, si dhe ndeshjen kundër Deportivo Lakorunjës. Abidal pritet të kthehet në terren për ndeshjen kundër Espanjollit që në program është pas dy javësh.

PIKE DHE IBRA STËRVITEN INDIVIDUALISHT

2010-04-07T19:13:00.000+02:00

Ende në pikëpyetje për ndeshjen e madhe kundër Realit të Madridit

Paraqitja e mbrojtësit Zherard Pike dhe sulmuesit Zlatan Ibrahimoviç për ndeshjen e madhe kundër Realit ende është në pikëpyetje. Që të dy stërviten individualisht, me qëllim që të kurohen dhe të jenë të gatshëm për “El Classico”. Deri në ndeshjen e së shtunës me Realin, “katalonasit” do bëjnë edhe dy stërvitje, ndërsa nga kampi “blaugran” shpresojnë të paktën njëri prej tyre të jetë i gatshëm për sfidën e madhe. Sot në qendrën stërvitore “Siudad Esportiva”, trajneri Pep Guardiola me futbollistët e tij bëri disa stërvitje të lehta me qëllim që futbollistët të mos jenë edhe aq shumë të ngarkuar veçanërisht pas ndeshjes së mbrëmshme kundër Arsenalit, në të cilën ndeshje skuadra kampione, shënoi fitore me rezultatin 4:1, kështu duke arritur deri në gjysmëfinale ku do të përballet me kampionin e Italisë, Interin. Ndaras nga shokët e tjerë të skuadrës u stërviten Çavi, Jaja Ture dhe Gabi Milito.

ROBI BAXHO VIZITON MESSIN NË DHOMAT E ZHVESHJES PARA NDESHJES ME ARSENALIN

2010-04-07T19:12:00.000+02:00

Ylli i dikurshëm i futbollit italian, Roberto Baxho respekt të madh për argjentinasin, Leo Messi

Ylli i dikurshëm i futbollit italian, Roberto Baxho ka vizituar Messin dhe shokët e tij të skuadrës në dhomat e zhveshjes para ndeshjes së mbrëmshme kundër Arsenalit në kuadër të çerekfinales së Ligës së Kampionëve, në të cilën ndeshje “katalonasit” shënuan fitore të lartë me rezultatin 4:1, ndërsa pikërisht Messi ishte hero i skuadrës së trajnerit Guardiola, duke shënuar të katër golat.
“Robi Baxho erdhi te ne në dhomat e zhveshjes dhe kjo më bën të ndjehem i kënaqur. Ai është një shok i imi dhe i dhashë të drejtën që të flasë me futbollistët e mi. Ai e di që Barcelona është shtëpia e tij”, tha Guardiola. Baxhio ka respekt të madh për argjentinasin, Leo Messi dhe enkas ka shkuar për të që ta shikojë lojën maestro të tij kundër Arsenalit.

MESSI BËN HISTORINË ME BARCELONËN

2010-04-07T19:10:00.002+02:00

Gjithsej 39 gola ka shënuar gjatë këtij sezoni me Barcelonën

Lionel Andres Messi me 4 golat e shënuar mbrëmë kundër Arsenalit, ka arritur që të thyej rekordin e tij personal sa u përket golave të shënuar brenda një sezoni. Messi tanimë ka arritur në kuotën e 39 golave të shënuar, kështu duke tejkaluar rekordin e vitit të kaluar kur brenda sezonit kishte shënuar 38 gola.
Leo Messi ka 26 gola të shënuar në kampionat dhe kryeson në listën e golashënuesve në Spanjë, njëjëtë sikurse edhe në Ligën e Kampionëve ku ka tetë gola të shënuar, dy gola ka shënuar në Kupën e Botës për klube, dy në kuadër të Super Kupës dhe një në kuadër të Kupës së Spanjës.
Dje argjentinasi 22-vjeçar, tejkaloi sulmuesin e Ajaksit, Luis Suarez, i cili deri tani ka 37 gola në të gjitha garat. Arritjet e Messit hynë edhe në historinë e klubit “katalonas”. Messi tani ka 25 gola në Ligën e Kampionëve, kështu duke tejkaluar legjendat e skuadrës si Rivaldo dhe

“TIMES”:KROJF, STOIÇKOV, RIVALDO, RONALDO E SHIHNI MESSIN?

2010-04-07T19:08:00.001+02:00

Futbollistët e Barcelonës festojnë golin kundër Arsenalit

Gazeta e njohur britanike “Times”, Lionel Messin ka renditur ndër futbollistët më të mëdhenj në historinë e futbollit. “Shpërthimi i Messit kundër Arsenalit, qartë tregon se ai ka një vend në mesin e legjendave të futbollit,” – shkruan në numrin e saj e përditshmja angleze “Times”.
“Krojf, Stoiçkov, Rivaldo, Ronaldo, e shihni Messin?” – pyet në titullin e saj kjo e përditshme angleze.
Skuadra e Barcelonës në radhët e saja ka pasur një numër të madh të futbollistëve me famë botërore si, Krojf, Stoiçkov, Rivaldo dhe Ronaldo, megjithatë asnjëri prej tyre nuk mund të barazohet me atë që posedon Messi, - nënvizon “Times”.
“Messi luante me top si fëmijë. Kristiano Ronaldo mund të shënoj edhe pesë gola kundër Barcelonës të shtunën, megjithatë i duhet edhe shumë kohë dhe punë që të tejkalojë Messin si futbollist më i mirë në botë,” - shkruan gazeta britanike.

E GJITHË BOTA DUARTROKET “MBRETIN MESSI”

2010-04-07T19:04:00.002+02:00

“Si do të ndalim këtë djalosh?” – shkruan në titullin e saj gazeta Marca, duke aluduar drejt futbollistëve të Realit të Madridit

Paraqitja e shkëlqyeshme e argjentinasit Andres Lionel Messi, në ndeshjen e natës së kaluar kundër Arsenalit, nuk ka lënë heshtur shtypin botëror i cili ka krahasuar yllin argjentinas me legjendat e futbollit, Pele dhe Maradona. Edhe pse vetëm 22 vjeç, Leo pas vetes ka arritur që të fitoj “Topin e Artë”, si dhe disa çmime tjera individuale mjaft të rëndësishme. Magjia e tij në ndeshjen e mbrëmshme në kryeqytetin “Katalonasë”, sipas shtypit botëror futbollistin nga Amerika Jugore vendos në një nivel tjetër, ndryshe nga futbollistët e tjerë.
“Mbreti i futbollit,” - shkruan gazeta “madrilene”, marca.com. “Si do të ndalim këtë djalosh?” – shkruan në titullin e saj gazeta Marca, duke aluduar drejt futbollistëve të Realit të Madridit.
Vetëm pas tri ditësh super ndeshja Real Madrid - Barcelona, e cila do të japë një pasqyrë rreth gjasave të të dyja ekipeve për titullin e kampionit në La Liga.
“Messi na bën që të frikësohemi” – shkruan gazeta tjetër “madrilene”, “AS”.
Një titull tjetër ngacmues edhe nga “El Pais”, - “Messi hëngri Arsenalin”, ndërsa “ABC” me nje titull jo edhe aq tërheqës shkruan “Messi solli gëzim”.
Mediat “Katalonase”, ashtu edhe siç pritej kanë qenë më të bujshme dhe thjesht janë përkulur para idhullit të tyre. “Meeesii...,” shkruante në ballinën e saj “El Mundo Deportivo”.
“Leo fantastik eliminoi Arsenalin, me katër gola duke afruar Barcelonën drejt finales në Madrid", - shkruan “MD”. “MEGA MESSI” me shkronja të mëdha shkruan ”Sport”.
Paraqitjen e shkëlqyeshme të Messit nuk kanë lënë pa komentuar edhe mediat italiane, të cilat menjëherë i janë referuar ndeshjes së ardhshme mes Barcelonës dhe Interit.
“Zot apo gjeni” parashtron pyetje gazeta e njohur sportive italiane “La Gazzetta dello Sport”.
“Inter – Messi” - është ndeshja gjysmëfinale e Ligës së Kampionëve, ka shkruar “Corriere dello Sport”.
Shou i Messit në ndeshjen me Arsenalin ka mbushur edhe faqet e para të shtypit anglez.
“I pari ishte Pele, pastaj Maradona. Tani duhet të përgëzojmë mbretin e ri - Lionel Messi,” - shkruante “Daily Mail”. “Mesiiii” shkruan “Sun”, ndërkohë për Messin një vend në ballinë kishte bërë edhe “Mirror”. “Madhështia e Messit duhet të shihet, që të besohet” - shkruan “Telegraph”.
“Messi Show” - shkruan gazeta gjermane “Bild”. “Messi, Messi, Messi, Messi”, është titulli i “Tagesshpigel”, ndërkohë e përditshmja “L’equipe”, shkruan “”Zoti” jeton në Kataluni”
Të mahnitur nga paraqitja e tij kanë qenë edhe bashkëpatriotët e tij nga Argjentina. “Messi ka arritur në nivel të një gjeniu”, - shkruan “Clarin”. “Mbreti i fushës së futbollit” - e përshkruan e përditshmja argjentinase sportive, “Ole”. Edhe në Brazil nuk qëndruan pasivë: “Katër herë Messi”, - “Messi, Messi, Messi dhe Messi” shkruan “Lance”. “Messi nuk është normal,” – me admirim shkruan gazeta Uruguaiane “Observador”.
Si duket i gjithë shtypi botëror pëlqen lojën e yllit argjentinas Messi, një futbollist i cili edhe pse vetëm 22 vjeçar është duke mahnitur botën e futbollit.

Perfect 10

2010-04-07T18:52:00.001+02:00

Kjo nuk ndodh shpesh, por çdo herë pas here, një lojtar luan aq mirë në një ndeshje që garantojnë një 10 përsosur nga 10 në vlerësimet tonë lojtar. Lionel Messi Barcelona e bëri këtë dje kundër Arsenalit në Ligën e Kampionëve. Kush tjetër ka arritur që lartësia dizzying?

Magjike Messi

2010-04-07T18:50:00.001+02:00

Një shfaqje individuale të lë pa frymë nga Lionel Messi është më se e mjaftueshme për të parë Barcelona deri në Champions League gjysmë-finale. Argjentinas kapi katër gola në stilin spektakolare, duke bërë bosi Arsène Arsenalin Wenger ta thërrasë atë në botë më të mirë.

Alonso: Barca ekipi më i mirë i 20 viteve të fundit

2010-04-07T18:41:00.001+02:00

Mesfushori i Real Madridit, Xabi Alonso, i cili do të mungojë në sfidën vendimtare të këtij sezoni kundër Barcelonës, ka thënë se Barcelona është skuadër më e mirë, por beson se Reali ka gjasa për të fituar.
“Barcelona është ekipi më i mirë i 20 viteve të fundit, si në aspektin e paraqitjeve ashtu dhe në atë të stilit të lojës. Një Barcelonë e fortë po na vjen por ne gjithashtu kemi formë të jashtëzakonshme”.
“Unë besoj në armët tona dhe nëse do isha një mbrojtës do të brengosesha që tani për Cristiano Ronaldon dhe Higuainin”, deklaroi Alonso